Accessibility links

шимбә, 3 декабрь 2016, Казан вакыты 16:43

Foat Ğälimullin: Xoday mäxäbbättän ayırmasın


Comğa könne respublikada näşer itelä torğan gäcitlär ni turında yazdı soñ? Watanım Tatarstan gäcite üzeneñ comğa sanında, ğädättägeçä räsmi yañalıqlardan tış, uquçılarnı şağir Ämir Mäxmüdovnıñ icatı, Salawat Fätxetdinov häm anıñ cır teatrınıñ Rusiä töbäkläre buyınça 98 könlek gastrol’läre belän tanıştıra. Şulay uq Watanım Tatarstanda Baltaç rayonınıñ Şübän awılınnan Äminä Möxämmätcanova üz awılınıñ misalında keçkenä mäktäplärne qısqartu, ereländerü problemasına iğtibarnı yünältä. Qazan şähärenä 1000 yıl rubrikasında isä, yazuçı Rafail Mostafin başqalanıñ ğorurlığı bulğan, bıyıl üzeneñ 200 yıllığın tutırğan Qazan däwlät universitetı turında yaza. Şähärneñ meñyıllığına üzeneñ 9nçı ğinwar sanında Mädäni comğa basması da möräcäğät itä. Älege datağa bağışlanğan rubrikada uquçılar Räsimä Ğarifullinanıñ «Çallı xanlığı serläre» dip isemlängän yazma belän tanışa alalar. Gäcittä Tatarstan yazuçıları berlege räise Foat Ğälimullinnıñ Yaña yıl uñayınnan uylanuları häm şağirä Cämilä Äxtämovanıñ ädäbiyat häm sänğät dönyası turında fikerläre belän dä tanışıp bula. Şulay uq Mädäni comğada Ğäliäskär Kamalnıñ 125 yıllıq yubileyında çitlätep ütmägännär. Şuşı uñaydan bastırılğan sänğät fännäre doktorı Ğäli Arslanovnıñ Kamal häm tatar teatrı yazması uquçılar öçen şaqtıy qızıqlı. Gäcitneñ bu sanında kürenekle tatar şağire Fatix Kärimneñ tuğan köne uñayınnan anıñ icatın iskä töşerep ütärgä mömkin. Şähri Qazan gäcite uquçılarnı rejisser Niaz Dautovnıñ tuuına 90 yıl häm Tatarstannıñ atqazanğan artistı Rawil İdrisovqa 50 yıl tulu uñayınnan ütkän kiçälär belän tanıştıra. Gäcitneñ İlhamiät quşımtasında Mödärris Wäliev icatı xaqında Robert Äxmätcannıñ «Encelär saylawğa tiñder» digän yazması iğtibarğa layıq. Respublika Tatarstan gäciteneñ 9nçı ğinwar sanında Tatarstan prokurorı Kafil Ämirov belän äñgämä dönya kürgän. Annan uquçılar respublikada cinayätçelekneñ torışı belän genä tügel, ä Rusiädä prokuratura tarixı belän dä tanışa alalar.

Gölnaz İlgizär

XS
SM
MD
LG