Bügen Ğiraqnıñ könyaqkönçığışında Amara şähärendä yañadan uram cıyınnarı oyıştırğan yözlägän ğiraqlı häm britan ğaskärläre arasında bäreleşlär buldı. Mäğlümat agentlıqları xäbär itüençä – ğiraqlılar britan xärbilärenä taşlar atqan, ğaskärlär isä alarnı rezin çuqmarlar belän qıynağan. Bu çuwalışlar, kiçä eşsezlekkä qarşı uram cıyını waqıtında başlandı. 6 keşe hälak buldı. Britan ğaskärläre wäkile mayor Tim Smith, 5 keşeneñ ülgänen raslıy alam, dide: "Hälak bulğannarnıñ mäyetlären xalıq şunda uq alıp kitsä dä kiçäge bäreleşlärdä 5 keşeneñ ülgän buluın raslıy alabız. Çınbarlıqta närsä bulğanı xäzer tikşerelä," dide britan xärbie.
