Accessibility links

якшәмбе, 4 декабрь 2016, Казан вакыты 17:27

İran Saqçılar Şurası reformaçıl namzätlärne parlament saylawlarında qatnaştırmaw turında qarar qabul itte: reaksiä


İran prezidentı Möhammäd Khatami, ildäge konservativ köçlärneñ kiläse ayda uzaçaq parlament saylawlarında qayber reformaçıl namzätlärneñ qatnaşuın tuyarğa digän qararına tınıç bulırğa çaqırdı. Bügen xökümät belän oçraşqannan soñ, Khatami, Saqçılar Şurasınıñ mondıy qararı belän riza bulmağanın häm Şura üz qararınnan baş tartmasa – saylawlarğa baykott belderäçägen äytte.

İrannıñ 12 möselman advokatı häm konservativ ruxanilärdän torğan Saqçılar Şurasınıñ parlament tarafınnan äzerlängän böten qanun ölgelärenä qarşı çıqqanı mäğlüm. Bu idarä böten qanunnarnıñ şäriğat häm konstitutsiä nigezendä buluın kontrol itä, saylawlarda kemneñ qatnaşaçağı turında qarar birä.

Bügen Saqçılar Şurası bik küp reformaçıl namzätlärneñ saylawlarda qatnaşuın tıydı, şul sanda xäzer parlamentta äğza bulıp torğan 85 kandidat ta bar. Reformaçıl köçlär bügen töngä parlamentta qalıp Şuranıñ bu qararına qarşılıq çarasın oyıştırırğa cıyına.

XS
SM
MD
LG