Accessibility links

пәнҗешәмбе, 8 декабрь 2016, Казан вакыты 17:18

Administratsiäneñ çitlätelgän ministırı: Bush Ğıraq suğışın wazıyfasına başlağaç ta planlaştıra başladı


Prezident G.Bush 11nçe sintäberdän elek ük Ğıraqqa basıp kerep, Saddam Xösäinnne çitlätergä qarar birgän. Bu fikerne yaqınça 2 yıl finans ministırı bulıp torğannan soñ fiker ayırmalıqları säbäple urınınnan quılğan Paul O''Neill atna azağında birgän ängämälärendä häm irtägä näşer iteläçäk ''Turılıqnıñ bäyäse ''isemle kitabında beyan itä. AQŞ mätbuğatı älegä saqlıqlı mönäsäbät kürsätsä dä, demokratlarnıñ prezident namzätläre şunduq bu mäsälä belän mäşğül bula başladı

Bush administratsiäseneñ berençe finans ministırı Paul O''Neill yäkşämbedä CBS nıñ 60 minut isemle programmasındağı ängämädä , G.Bush Saddam Xäsäinnı xakimiättän çitlätü turında prezident bulıp eşkä başlağaç ta, yäğni 11nçe sintäberdän 7 ay elek söyli başladı dip äytte. Saddam Xösäin naçar keşe häm ul urınınnan kitergä tieş digän fiker östenlek itkän. İqtisadi säyäsättäge fiker ayrımalıqları säbäple Bush tarafınnan 13 ay elek postınnan alınğan O''Neill Ğıraq mäsäläse İminlek Şurasınıñ berençe cıyılışında uq söyläşelde , anda ni öçen Saddam çitlätelergä tieş digän soraw tügel ä anı çitlätü öçen yul tabu töp mäsälä buldı.O Neill ängämä waqıtında sişämbedä näşer iteläçäk ''turılıqnıñ bäyäse'' isemle kitabı turında da söyläde. Kitabnı O''Neill birgän mäğlümät nigeZendä Jurnalist Ron Suskind yazdı. Eleke finans minsitırı O''Neill Suskindnı 19meñ dokument ,şulsanda iminlek şurası cıyılışlarınıñ stenogrammaları belän tämin itkän.Time jurnalına birgän ängämäsendä O ''Neill finans ministırı bulıp torğan 23 ay eçendä min ber qat ta küpläp üterü qoralları turında qatğıy dälil kiterelüen kürmädem. Ğäyepläw , törle bäyäläwlär buldı älbättä min küptännän birle bu eş tiräsendä yöregänlektän dälil , bäyäläw, farazlaw, küzallawlarnıñ ayrmasın bik yaxşı beläm häm monnan nindi näticälär yasala alaçağın da ..Küzläw idaräläre ber qayçan da qatğıy dälil kitermäde dip säyläde. Nixon , Ford adminisratsiälärendä eşlägän, Alumini industriese Alcoanıñ eleke citäkçese O''Neill vitse prezident Cheneyneñ küptänge tanışı dip belenä. Finans ministırı saylawlarnı finansiälägän baylarnıñ salımnarın kimetü säyäsätenä , budjet defitsitın nıq arttıra dip qarşı çıqqan ide.O''Neill kitabında , prezident xökümättä politik debatlarğa ällä ni qatnaşmağan keşe itep añlatıla. Kabinet sessiäläre äytersen lä suqır keşe sanğırawlar arasında utıra dip tasvirlanğan.Turılıqnıñ bäyäse isemle kitap turında aqyort bez kitaplar turında küzätülär yasaw belän şägellänmibez dip beldergän. isemeneñ belüen telämägän ministır isä, administratsiä eşkä başlawı belän şunduq, Ğıraqqa intervensiäne planlaşatıra başladı dip äytü kölkele, xökümättä utırğan O''Neillne ber kem dä tıñlamadı, ni öçen bez añı xäzer tıñlarğa tieşbez digän. Ğıraqta rejim almaştıru teläge Cliton waqıtınnan birle kongress tarafınnan yaqlanğan fiker. Yevropa illäre gazetalarında Paul O Neillneñ kitabı, intervyuları turında küp kenä yazmalar kürensä dä, Amerika mätbuğatı saqlıq kürsätä älegä. WP 13nçe bitte genä bu turıda yaza, NYT mäqaläse bulıp betkänne genä xabär itä, Time jurnalı da eleke finans minsitırı belän şaqtıy ozın ğına ängämä basıp çıgardı. Boston Globe isä, Bill Clinton da Saddam belän sabır qazanınıñ tizlektä taşuı mömkin dip äytkän ide dip işarä itkän. Ämma demokratlarnıñ prezidnet kandidatı Howard Dean şunduq min prezident Ğıraq suğışı öçen bernindi dä çın säbäp kürsätmäde dip söyläp kiläm, bez xäzer anıñ ber ministırınnan soña qalıp bulsa da Bush xökümäteneñ suğış kursı turında öyränäbez. John Kerry isä ONeillnıñ äytkännäre xökümätneñ ideologik säbäplärdän çığıp , AQŞ soldatların ber üzlären genä diärlek ber ğäräb ilen okupatsiälärgä cibärgäne añlaşıla ''Turılıqnıñ Bäyäse'' irtägä näşer iteläçäk häm ul kitap turında şaqıtıy ğına küzätülär bulır dip kötergä kiräk

färidä xämit,praga
XS
SM
MD
LG