Accessibility links

җомга, 9 декабрь 2016, Казан вакыты 20:26

Paqstan premyer ministrı Zäfärulla Xan Camali Äfğänstan prezidentı Xämit Karzai belän söyläşülär ütkärde


Qabulda Paqstannıñ premyer-ministr Zäfärulla Xan Camali citäkçelegendäge yuğarı räsmilär törkeme Äfğänstannıñ küçeş çorı prezidentı Xämit Karzai belän söyläşülärne tämamladı. Soñğı arada Paqstannıñ Äfğänstanğa yaqın öleşlärendä İslam suğışçılarına qarşı qatıraq pozitsiä aluı küzätelä. Jamali jurnalistlarğa bolay dip belderde:

AUDİO: Bez terrorçılıq mäs'äläsendä Äfğänstannan Paqstanğa yäki Paqstannan Äfğänstanğa ütep kerülär bulmayaçağına ireşergä höm monıñ öçen buldıra alğannıñ barısın da eşlärgä telibez. Bez qayber çaralar kürdek, häm bez alarnı tağın da arttırunı, yaxşırtunı, nığıtunı däwam itäçäkbez.

Azatlıq radiosınıñ Qabuldağı xäbärçese äytüençä, bu söyläşülärdä kütärelgän töp mäs'älä Paqstannıñ Äfğänstan çigenä yaqın öleşlärendä äl-Qaidä häm Taliban suğışçıları dip isäplänelgän törkemnärgä qarşı uzğan atnada başlağan xärbi operatsiäse bulğan. Oçraşuda şulay uq, Äfğänstannıñ könyağındağı Kandahar şähärennän Paqstannıñ könyaq-könbatışındağı Çaman şähärenä timer yul tözü turında häm Jalalabad belän Kandahar şähärlärendä fänni akademiälär urtaq proyektı turında süz bulğan. Paqstannan kilgän törkemdä eçke eşlär ministrı, finans ministrı, üzäk bank räise, häm timer yullar ministrı da bar ide.

XS
SM
MD
LG