Accessibility links

дүшәмбе, 5 декабрь 2016, Казан вакыты 05:37

İzrail' prezidentı Moşe Katsav Süriä prezidentı Bäşär äl-Assadnı tınıçlıq söyläşüläre ütkärer öçen İzrail'gä çaqırdı:




AUDİO: Min prezident Bäşär äl-Assadnı İzrail'gä kilergä, İzrail' xakimiätläre, İzrail' citäkçelege belän oçraşırğa häm İzrail' xakimiätläre belän çın tınıçlıqa, daimi tınıçlıqqa ireşü yulları turında turıdan-turı söyläşergä çaqıram.

Süriä parlamentınıñ tışqı mönäsäbätlär komitetı räise Söläyman Xäddäd Katsavnıñ täqdime bik şoma häm problemalı dide. Süriäneñ Qaçaqlar mäs'äläläre ministrı Butayna Şaaban İzrailneñ bu täqdime 2000-nçe yılda özelgän söyläşülärne yañartu çaqırularına citdi cawap tügel dide. 2000-nçe yıldağı söyläşülär 1981-nçe yılda İzrail' bilämälärenä äwerelgän Golan Qalqulıqları turında kileşä almaw säbäple özelde. İzrail' bu cirlärneñ zur öleşen kire qaytarırğa äzer buluın beldersä dä, Süriä Golannı tulısınça kire qaytarunı taläp itte. Kiçä İzrail' premyer-ministrı Ariel Şaron İzrail' Süriä belän söyläşülärgä äzer, ämma Süriä İzrail'gä höcüm itüçe terrorçı törkemnärgä yardämen tuqtatırğa tieş dide.

XS
SM
MD
LG