Accessibility links

дүшәмбе, 5 декабрь 2016, Казан вакыты 19:46

AQŞ Ğiraq İdarä Şurasın yaña xökümät tözü häm saylawlar ütkärü öçen bilgelängän waqıt qısalarına tuğrılıqlı bulırğa çaqırdı


Ğiraqtağı AQŞ waqıtlı idaräse başlığı Paul Bremer Ğiraq İdarä Şurasın qayber tä'sirle din ähelläreneñ waqıtınnan alda saylawlar ütkärergä çaqırularına qaramastan, yaña xökümät tözü öçen bilgelängän waqıt qısalarına tuğrılıqlı bulırğa çaqırdı. Bremer İdarä Şurasınıñ 15 noyäberdäge kileşüen ütäw zarur dide. Ul kileşüdä 1-nçe iyülgä qädär waqıtlı xökümät tözü, annan soñ 2005-nçe yılda ütäçäk saylawlarğa äzerlänü turında äytelä.

AUDİO: Bez İdarä Şurasınıñ 15 noyäberdäge kileşüen tormışqa aşıru möhim dip uylıybız. Bu kileşü Berläşkän Millätlär Oyışmasına, Ğiraq xalqına suverenitetnı kire qaytaruğa häm ber yıllap waqıt uzğannan soñ saylawlar ütkärügä qädär iñ yaxşı yul bularaq täqdim itelgän ide.

Küptän tügel, Ğiraqnıñ iñ yuğarı şiği din ähele Ayatulla Ali äs-Sistani bu plan qanunıy xökümät oyışuğa alıp barmıy häm säyäsi kierenkelekneñ artuına kiterä ala dide. Sistani kiläse aylarda uq turıdan turı saylawlar ütkärü mömkin dip isäpli. Quşma Ştatlarnıñ Ğiraqta xakimiätne tapşıru planın ildä küpçelekne täşkil itüçe şiğilar yaqlasın öçen anıñ Sistani tarafınnan yaqlaw tabuı zarur.

XS
SM
MD
LG