Accessibility links

Кайнар хәбәр

Amerika räsmiläre Rusiädä Kafkaz turında barğan debatlarnı borçılu belän küzätep bara


AQŞ räsmiläre Rusiädä, Mäskäw kürşeläre yäğni eleke sovet respublikları belän niçek eş itergä tieş digän mäsälädä barğan debatlarnı borçılu belän küzätep bara.Waşingtonda küplär , sonğı saylawlarda parlamentqa millätçelärneñ küpläp kerep utıruı Kremlneñ Kafkaz häm Üzäk Aziä illärenä qarata säyäsäten qırıslatır dip ışana. Eurasia View- neñ şul turıdağı mäqaläse

Gruziädäge sonğı täräqiät – könbatış yaqlı administratsiäneñ eş başına kilüe,Mäskäwdäge säyäsätçelärne Russiäneñ kürşelärenä qarata alıp barğan tışqı säyäsäten küzdän kiçerergä mäcbür itä. Rusiä parlamentındağı millätçelär şaqtıy ğına täsirgä iä bulğanlıqtan , Rusiä säyäsäte yomşarır dip kötep bulmıy. Rusiä parlamentına kergän 4 partiä dä- Putinnıñ Berdäm Russiäse , Kommunistlar Partiäse Jirinowskinıñ Liberal Demokratları häm Rodina alarnıñ barısı da millätçelekkä nigezlängän tışqı säyäsät taraftarı. Mäskäwdä bugen berberse belän yarışqan ike säyäsi qaraş bar. Berençesen Federatsiä Şurasınıñ tışqı Mäsälälär Komitetı citäkçese Mixael Margelov beyan itä. Ul mondıy : Kafkaz häm Üzäk Aziädä Quşma Ştatları belän barğan geopolitik yarıştan Rusiä faydalana almayaçaq .Bu fraksiä Russiäneñ kürşelärenä qarata yomşağraq säyäsät alıp baruın teli.Gruziäneñ mäxsus wazğiätendä Russiäneñ konfrontatsiäle pozitsiäse , separatist Abxaziä, Acaristan häm Könyaq Osetiädä konfliktnıñ yañaru qurqınıçı xasıyl itä.Qayberäwlär tınıçsızlıq başqa ber Çeçnä barlıqqa kiterä ala dip qarıy.Mäskäwnwñ täsiren qullanıp Gruziä xökümäte belän 3 aftonom ölkä arasında tınıçlıq urnaştıruı, Rusiäneñ iminlek mänfäğötlärenä yaxşıraq turı kiler ide . Mäskäwdä östenlek itkän ikençe säyäsi qaraş: Kreml belän yaqın mönäsäbätlärdä torğan ölkän säyäsät belgeçe añlatuınça , Gruziäneñ yaña saylanğan prezidentı Mixael Sakaşvili Rusiägä nıq qarşı bulğan şäxes , şunlıqtan Mäskäw anıñ administratsiäsen totrıqlandıru öçen ber nindi dä yardäm kürsätmäskä tieş. Belgeç süzlärençä Sakaşvili Mäskäwdä bilgesez keşe ul mönäsbätlär urnaştıru öçen ber närsä dä eşlämägän . Şunlıqtan Abxaziä häm Könyaq Ossetiä Tblisi qaramağına qaytmayaçaq. Sakaşvili 8nçe ğıynuarda Ärmänstanğa yasağan vizitı waqıtında Rusiä-Gruziä mönösäbätläre yaxşırırğa tieş dip täqrarlasa da,ul Mäskäw yaña tör mönäsäbät kürsätergä ,elek bulğan kebek konfliktlar qabındırmasqa tieş , ul alarnı çişergä tırışsa da ber qayçan da uñışlı bulmadı dip söylägän yaña citäkçe. Quşma Ştatları qaraşınça Gruziädä totrıqsızlıq artsa , anıñ kürşelärgä çäçräv ixtimale bar. bu isä Baku-Tbilisi- Ceyhan neft ütkärgeçeneñ tözelep betüen kiçekteräçäk yäki tuqtataçaq.Mäskäwdä ölkän amerikan diplomatı fikrençä imperial nostalgia Rusiäneñ Yzäk Aziä vä Kafkazda köç kürsätüenä kiteräçäk.Ägär dä Rusiä säyäsäte unğa borılsa Rodina partiäseneñ citäkçelärennän Dimitri Rogozin töp politik figurağa äylänäçäk. Rogozinnıñ millätçe retorikası bäxäslärgä säbäp bula. Äle bu aralarda ğına ul Litva aşa Rusiäne Kaliningradqa totaştırğan koridor buldırırğa çaqırdı.Ul şulayuq Rusiä çiklären kiñäytergä ruslarnıñ uqmaşıp yäşägän tönyaq Qazaxstan ölkälären dä alırğa çaqırdı. AQŞ analitikları prezident saylawlarına qädär Rusiä ber nindi dä möhim adım atlamas dip uylıy. Dumada qayber deputatlarnıñ retorikası , täsirle säyäsi dairälärneñ kürşelär bigräk tä Gruziä belän xezmätşlekkä kerergä telämägäneñ añlata. Rusiä Dumasınıñ BDB mäsäläläre komitetı citäkçse Andrei Kokoşin 8nçe ğıynuarda NTVdä yasağan çığışında Gruziäneñ äleke citäkçelegeneñ separatist ölkälär mäsäläläsendä könbatışqa artığı belän tayanuı zur xata buldı dip äytte. Kokoşin Exo Moskvığa birgän ängämäsendä Rusiäneñ kürşe illärdä xärbi bazaları buluı zarur dide. Kokoşin süzlärençä , dönyada üz urının alu öçen Rusiägä iqtisadi täräqiätne tizlätü genä citmi ä ul xärbi köçen dä kürsätergä tieş .Eleke sovet illärendä bez daimi xärbi bazalar totarğa yäki xärbi kontingentlarnı tizlektä urnaştıru öçen kileşülär tözergä tieşbez dip äytkän Kokoşin äfände. färidä xämit,praga
XS
SM
MD
LG