Accessibility links

шимбә, 10 декабрь 2016, Казан вакыты 17:54

Ike keşe Mäskäw häm Volgodonskitağı şartlawlar öçen ğäyeple tabılıp xökem itelde. Läkin bu mäs''älädä şik bar


12-nçe Ğinvarda Mäskäv mäxkämäse Çeçnädä İkençe suğışqa säbäp bulğan binalarnı şartaltuda şäyeplängän ike keşene ğömerlekkä törmä cazasına xökem itte. Xökem protsesı yabıq işeklär artında ütkärelde. Xökem qararı iğlan itelgändä genä zalğa keşelär kertelde. Ğäyeplänüçelär xökem qararı yalğanğa nigezlängän dip yuğarı mäxkämägä şikayät belderäçäklären äyttelär.

Russiä räsmiläre, binalarnı şartlatu öçen şunduq Çeçen köräşçelären ğäyeplädelär, Çeçen komandirları monı qätği räveçtä kire qaqtılar. Qayberävlär Çeçnägä qarşı suğış başlaunı aqlau öçen bu eşne FSB oyıştırdı dip belderdelär. Niçek kenä bulmasın Düşämbe könne Mäskäv mäxkämäse Karaçay-Çerkesiädä yäşävçe Yusuf Qırmşamxalov belän Adam Dekkuşevne, terror, keşe üterä , şartlağıçlarğa iä buluda ğäyeple tabıp, ğämerlekkä törmä cazasına xökem itte. Prokuratura şuşı ike keşene çeçen fetnäçeläreneñ zakazı belän şartlağıçlar eşläp alarnı şikär qapçıqları belän Mäskäv häm Volgodonskqa kiterep binalarda şartlatuda ğäyepläde . 1999-nçe yıldağı bu teror näticäsendä 246 keşe hälak bulğan ide. İke ayğa suzılğan xökem protsesı yabıq işeklär artında ütkärelde. Räsmi belderülärgä qarağanda bu eştä qatnaşı buluda şiklänelgän tağı da altı keşe Çeçnädä bäreleşlär vaqıtında üterelgän, ike keşe äle qaçıq yöri ikän. Mäskäv şähär mäxkämäse xakime Marina Kormarova alarnıñ ikesen dä ğömerlekkä qatı rejimlı törmä cazasına häm terror qorbannarına 156 meñ dolar miqdarında kompensatsiä tülärgä xökem itte. Xökem qararı iğlan itü utırışı cämağätçelekkä açıq buldı. Xökem itelgännär qararnı yuğarı mäxkämägä şikayät itäçäkläre äyttelär. Qrımşamxalov xökem qararı yalğannarğa nigezlände dip belderde. Xökem qararınan soñ ğäyeplängännärneñ tuğannarı açıq xat belän möräcäğät ittelär. Anda mäxkämä binalarnı şartlatu belän bäyläneşle soraularğa açıqlıq kertmäde dielgän. Russiä xakimiätläre şartlatularnı FSB oyıştırdı digän ğäyeplävlärgä qarağan kitapnıñ meñärlägän nösxäsen uzğan ayda konfiskatsiäläde. Kitap aftorlarınıñ berse elekke FSB agentı , xäzer Britaniädä säyäsi qaçqınnar xoquqı alğan Aleksander Litvinenko 1999-nçı yılnıñ Sintäberendä Räzändä bulğan insidentqa qağılğan. Militsiä anda ber binanıñ podvalında şartlağıçlar dip äytelgän maddä tapqaç, binanı evakuvatsiälägän. FSB bu anti-teror kanpaniä ramnarında sizgerlekne sınau öçen eşlände, qapçıqlarda şikär genä bar ide dip belderde. Läkin, qayberävlär bu Mäskävdä häm Volgodonsktağı metodqa bik oxşaş ide digän fikerdälär. Binalarnı şartlatu Çeçnädä ikençe suğışnıñ başlanuına sıltau buldı. Bu isä şartlaulardan berniçä atna elek kenä premier itep bilgelängän küplärgä iseme dä mäğlum bulmağan FSBnıñ eleke başlığı Putinneñ abruyın kinättön kütärde . Çeçnädäge ikençe suğış 99-nçe yılnıñ sintäber ayında başlandı. Şuluq yılnıñ 31-nçe Dikäberendä Putin prezidentlıq vazıyfasın ütä başladı häm 2000-nçe yılnıñ martında isä ciñel genä prezident itep saylandı. Şulay itep Putin prezidentlıq urnın nindider ber däräcädä Mäskäv häm Volgodonskta binalarnı şartlatuğa burıçlı dip tä äytep bula.

Färit İdelle, Praga.
XS
SM
MD
LG