Accessibility links

якшәмбе, 4 декабрь 2016, Казан вакыты 03:04

İtaliäneñ konstitutsiä mäxkämäse premier-ministr Silvio Berlusconinı qağılğısızlıqtan mäxrüm itte


İtaliäneñ Konstitutsiä mäxkämäse, ilneñ 5 yuğarı citäkçesenä, şul isäptän premier-ministr Silvio Berlusconi'ğa qağılğısızlıq tä'min itkän qanunnı köçennän çığardı. Qanunıñ berençe matdäse, bu räsmilär wazifada torğanda, alar östennän mäxkämä eşen tuqtatıp torırğa mömkinlek birä ide. Uzğan yıl Berlusconi östennän açılğan mäxkämä eşe, näq şul qanun nigezendä tuqtatıldı. Parlament anı, İtaliäneñ Yevropa Berlegendä räislege waqıtında, premier tiräsendä ğawğa quptarmas öçen qabul itkän ide. Bügen Konstitutsiä mäxkämäse bu matdäne qanunsız dip taptı. Xäzer Berlusconi östennän mäxkämä eşe yañadan başlanırğa mömkin. Berlusconi 1985 yılda xäkimnärgä rişwät birüdä ğäyeplänä.

XS
SM
MD
LG