Accessibility links

Кайнар хәбәр

İnguşetiädäge qaçaqlar lagerları 1 Martqa qädär yabılaçaq


Çeçnyanıñ Mäskäw taraflı İdaräse çeçen qaçaqlarınıñ İnguşetiädäge çatır lagerları 1 Martqa qädär yabılırğa tieş, digän qarar çığardı. İdaräneñ matbuğat wäkile Said Dibiev İnterfax agentlığına äytüençä, andağı qaçaqlarğa bu çatırlar öçen kompensatisä tülänäçäk. Qaçaqlar üzläre yä Çeçnyağa qaytırğa, yä İnguşetiädä başqa sıyınu urını ezlärgä tieş bulaçaq. Xäzerge waqıtta İnguçetiädä Çeçnyadan kitkän 67 meñläp qaçaq bar sanala. Şularnıñ 5 meñ çaması 3 çatır lagerda yäşi. Mäskäw inde küptän bu qaçaqlarnı Çeçnyağa qaytarırğa tırışa. Kiçä Çeçnya premier-ministrı wazifasın başqaruçı Eli İsaev, lagerlarda şartlar qotıçqıç, anda qalu öçen ber nigez yuq digän ide. Ämmä qaçaqlarnıñ advokatları äytüençä, Çeçnyada bäreleş tuqtalmağan mäldä qaçaqlarnıñ kübese öylärenä qaytırğa qurqa.
XS
SM
MD
LG