Accessibility links

шимбә, 10 декабрь 2016, Казан вакыты 19:35

Çeçnä administartsiäse İnguşetiädäge qaçaq lagerların yabarğa teli. Çeçenär qaytırğa telämilär.


Çeçnä administratsiäse, kürşe İnguşetiädä yäşävçe çeçen qaçaqların yä respublikağa kire qaytırğa yaqi başqa urında urnaşırğa quştı. Russiä yaqlı xökümät lagerlarnıñ Mart başında yabıluın teli. Ämma, läkin, Çeçnädä köç qallanu dävam itkännektän, qaçaqlar kire qaytırğa qurqalar.

Russiä xökümäte tarafınnan yaqlanğan Çeçnä administratsiäse çeçen qaçaqları öçen İnguşetiädä tözelgän çatır lagerları Mart ayına çaqlı yabılırğa tieş dip taläp itte. Administratsiäse süzçese Said Dibiyev qaçaqlarğa yuğaltqan mal-mölkäte öçen aqça bireläçäk dip äytte. Anıñ süzlärençä, andağı çeçen qaçaqları yä respublikağa qaytırğa yäisä kürşe İnguşetiädä yaxşıraq urın tabarğa tieşlär. Çeçen qaçaqları suğış säbäple 99-nçe yıldan birle İnguşetiägä qaçalar. Tögäl san bilgele tügel. 67 meñ çeçen anda qaçıq çıqtı häm alarnıñ biş meñe öç çadırlar lagerında yäşi dip xisaplana. Çeçnädä qaçaqlar Şurası ağzası Adhan Daudov Çeçnä administratsiäse väkilçelege küptän tügel genä lagerlarda buldı häm alarnıñ yabılaçağın belderde dip äytte.

Audio

"Väkilçelek Sputnik häm Satzita lagerlarında buldı häm alar 1-nçe Marttan soñ yabılaçaqlar dip belderde. Alar barlıq lagerlarnı yabunı planlıy. Här kem äyenä qaytırğa tieş. Qaytuçılarğa yardäm küsäteläçäk häm kompensatsiä tülänäçäk. Auıl cirlärendä terkälgännär anda qaytırşa tieş bulaçaqlar. Väkilçelektä qayber auıllarnıñ keşeläre dä bar ide. "

Mäskäv inde küptännän birle Çeçnädä vazğiät normallaştı dip belderep qaçaqlarnı kire qaytırğa öndi. Çeçnäneñ premiere vazıyfasın ütävçe Eli İsayev qaçaqlarnıñ lagerlarda qaluı öçen säbäp yuq, andağı şartlar çıdarlıq tügel dip belderde. Läkin, Çeçen yäisä Russiä xakimiätläre vazğiät normallaştı dip beldersälär dä, İnguşetiägä qaçıq çıqqan çeçen, bäreleşlärneñ dävam itüen häm vazğiätneñ qurqınıçlı buluın belälär , şul säbäple Çeçnägä qaytırğa telämilär. Sputnik lagerında yäşävçe uris Vera Daudova ber kem dä qaytırğa telämi dip belderde.

Audio

Qaçaqlarnı qaytaru öçen nindi basım çarası qullanılır , anısı bilgesez. Elek yäşägän urnına qaytmağan qaçaqlarnı humanitar yardämnän mäxrum itü andıy çaralarnıñ berse bula ala. Qaçaqlarıñ berse Adam Sayiev, radiobıznıñ tönyaq kafkaz redaksiäse xezmätkärenä birgän ängämäsendä dä basım çarası qullanılır dip kötä. Audio

"Çeçnä administratsiäse telägänen eşlär . Bez isä monnan ğazaplanmıyça ğına ütü yağın qarıygbız."

Russiä häm Çeçnä xakimiätläreneñ çeçennärne qaytaru , qaçaqlar lagerın yabu belän qızıqsınuların añlap bula. Alar qaçaqlanıñ naçar şartlarda yäşävenä borçıluları säbäple tügel, ä Çeçnädä vazğiät normallaştı dip kürsätergä telävläre säbäple monıñ belän qızıqsınalar. Läkin, qaçaqlar Çeçenägä qaytırğa mäcbür itelsälär dä, bu äle anda vazğiätneñ normallaşqan buluın añlatmayaçaq.

Färit İdelle. Praga.
XS
SM
MD
LG