Accessibility links

пәнҗешәмбе, 8 декабрь 2016, Казан вакыты 11:11

Ural federal'' okrugı wäkillege Tatarstan belän xezmättäşlek itügä yöz tota


Küptän tügel Tatarstannıñ Uraldağı daimi wäkile Rawil' Bikbov Rusiä Prezidentınıñ Ural federal' okrugı wäqälätle wäkile urınbasarı Viktor Basargin belän oçraştı. Oçraşu daimi wäkillek binasında bardı. Viktor Basargin biredä berençe tapqır bulğanlıqtan, ul Tatarstannıñ Ural töbägendäge territoriäse häm wäkillek başqarğan eşlär belän bik qızıqsınıp tanıştı. Oçraşu waqıtında Tatarstan respublikasınıñ Ural töbäge ölkäläre belän eşlekle elemtälären üsterü turında bik citdi söyläşü alıp barıldı. Viktor Basargin soñğı yıllarda Tatarstan respublikası belän Çiläbe häm Sverdlov ölkäläre arasındağı tığız xezmättäşlekneñ üsüenä ayıruça basım yasap ütte, bu eştä Daimi wäkillekneñ zur öleş kertüen assızıqlap, Tatarstannıñ bu täcribäsen Ural töbägeneñ başqa ölkälärendä dä qullanırğa kiräklegen belderde.

Ural töbägeneñ Çiläbe häm Sverdlov ölkäläre belän Tatarstan Respublikası arasında inde berniçä yıllar buyı üseş alğan üzara faydalı xezmättäşlek här laknıñ da iqtisadi, säyäsi, gumanitar mänfäğätlärenä genä turı kilep qalmıy, ä bälki bu ölkälärdä yäşäwçe tatar xalqınıñ milli üseşenä dä bik uñay yoğıntı yasıy. Bu täcribäne federal' okrugnıñ başqa ölkälärenä taratu, älbättä, bik kiräkle eş.

Daimi wäkillekneñ bu yünäleştä eş alıp baru buyınça plannarı zur. Rawil' Bikbov fikerençä, federal' okrug wäqälätle wäkillege belän tığız elemtädä eşläw üzara xezmättäşlektä Tatarstan mänfäğätlären, ğomumän, tatar xalqınıñ mänfäğätlären yaqlawda östämä administrativ resurslar tartırğa yärdäm itäçäk.

Tatarstannıñ Uraldağı daimi wäkile Rawil' Bikbownıñ Rusiä prezidentınıñ wäqälätle wäkile urınbasarı Viktor Basargin belän eşlekle oçraşuı Tatarstan belän Ural federal' okruğı ölkäläre arasında üzara faydalı xezmättäşlekne nığıtuda zur adım alğa bulır dip ışanası kilä.

Fäwiä Safiullina.

Yekaterinburg.

XS
SM
MD
LG