Accessibility links

якшәмбе, 4 декабрь 2016, Казан вакыты 13:20

Sember ölkäsendä çığıp kilüçe “Ömet” gäziteneñ tirajı 230 danägä arttı


Sember ölkäsendä çığıp kilüçe “Ömet” gäziteneñ tirajı uzğan yılnıñ ikençe yartısına qarağanda 230 danägä arttı. Bu da şatlıq. Kiläse yıl azağında “Ömet”kä 15 yäş tula. Gäzitneñ redaktorı İsxaq Xälimev yubiley çaraların aprel'dän ük başlarğa niätli. Bixisap bäyrämnär, yubileylar belän mawığu ğadätkä kergängä, bu süzlär üzläre ük küñeldä nindider töer tudıra. Läkin bu oçraqta alay tügel. Çönki “Ömet” redaksiäseneñ töp maqsatı – küñel açu tügel, ä xalıq belän kiñäşläşü, möhim problemalarnı iskä töşerü häm, älbättä inde, uquçılar sanın işäytü.

Añlaşıla ki: statistika buyınça ğına da 160 meñ çaması tatar öçen 6000лек tiraj küp tügel. Läkin başqa ölkälärdä çığıp kilüçe şundıy uq gäzitlär belän çağıştırğanda – yarıysı kebek. Tiraj yağınnan “Ömet” barı tik İjaunıñ “Yañarış”ınnan ğına qalışa.

Qazan matbuğatına yazılu yağınnan isä xällärne faciğa dip tä atarğa buladır. Äytik, töp jurnalıbız bulğan “Qazan utları”na 1988-yılda 801 semberle yazılğan. Bıyıl – nibarı 42 keşe. Häm mondıy faciğale küreneş Sembergä genä xas tügel: jurnalnıñ tirajınıñ qaya taba yul totuı da şunı kürsätä. 1973 yılda 90744, 1983 – 65049, 1993 – 10860, 2003 – 7030 danä.

“Söyembikä yazmışı da oxşaş: här ğailäneñ östäl öste kitabı bulıp xezmät itkän jurnalğa bıyıl nibarı 59 ğailä yazılğan. Qalğan basmalarnıñ xäle dä şul çamalı. Möşkelräk tä äle.

Şulay da soñğı yıllarda uñay tendensiä çağıla: 2000-yıl belän çağıştırğanda, ber çemetem genä bulsa da, üseş bar.

Ölkä buyınça iñ küp taraluçı gäzit – “Yuldaş”. 2000-yılda anı 636 keşe uqısa, bıyıl – 730. “Sälämätlek” 9дан 81гә üskän. Dini basmalar da üseş yulında: “İman” gäzite 4 yıl elekke belän çağıştırğanda 74 danädä 110га citkän, “İslam nurı” – 15тән 43кә. Läkin “Miras”, “İdel”, “Mädäni comğa”, “Watanım Tatarstan”, “Tatarstan yäşläre” kebek bik tä tirän eçtälekle basmalarnıñ, şulay uq balalar öçen can azığı bulıp xezmät itüçe “Sabantuy”, “Salawat küpere”, “Yalqın”, “Sabıyğa”- faciğale däräcädä az alına. Tağın ber ğibrät: 4 yıl eçendä “Tatarstan yäşläre” 27dän 21gä töşkän, ä “Mädäni comğa” 4tän 13кә üskän. İkese dä şäp basmalar. Ayırmanıñ asılı alarnıñ sıyfatınnan tügel, ä yäş buınnıñ ana telennän mäxrüm qaluınnan.

Monısı inde cinayätçel mäktäp sisteması eşçänlegeneñ “uñışları” közgeseder.

Ayrat İbrahim, Sember.

XS
SM
MD
LG