Accessibility links

пәнҗешәмбе, 8 декабрь 2016, Казан вакыты 01:19

Kennedy Bushnı Ğıraq suğışın säyäsi qazanışlar öçen başlatuda ğäyepläde


Senator Edward Kennedy Amerikanıñ Täräqiäte öçen Üzäktä yasağan çığışında G. Bush häm anıñ Ğıraq säyäsäten kisken tänqitläp , prezident xökümät belän xalıq arasındağı ışanıçnıñ töp terägen cimerde dide.Senator, Bush yañadan saylanmasqa tieş, çönki ul çınbarlıqnı bozıp, qurqu taratıp ozaq planlaştırılğan ämma aqlanmağan suğış başlattı dip äytte .

Ğädättägeçä saylaw yılında prezidentqa höcüm, tänqitlär artıp kitä. Kiçä üterelgän prezident Kennedynıñ abzısı senator Edward Kenedy ilbaşı G.Bush amerikannarnı aldap alarğa Ğıraq suğışın yaqlattırdı häm monı syäsi qazanışlar öçen qullandı dip belderde. Kennedy süzlärençä küptän tügel egnä Bushtan Saddam Xösäinneñ çınlap ta küpläp üterü qoralları barmı ide dip sorağannar(audio) Prezident Bush , nindi ayırması bar dip cawap qaytarğan. Prezident äfände ayırması şunda suğş başlatası, yäki başlatmisın. AQŞnıñ ber genä prezidentı da ilne suğışqa kertü öçen çınbarlıqnı bozıp kürsätmäskä, yalğış ideologiä qulllanmasqa tieş Şulay eşläw belän prezident xökümät belän xalıq arasındağı ışanıçnıñ töp tärägen cimerde. Ägär dä kongress häm Amerika xalqı böten xäqiqätne belsä ide, Quşma Ştatları ber qayçan da suğış başlatmas ide. Kennedy ilbaşı 11nçe sintäber höcümeneñ tudırğan qurqunu suğışnı aqlau öçen qullandı.Bu suğış Amerika tarixında tışqı säyäsättä yasalğan in zur yalğışlıq bula ala dide. Mart ayınnan birle Ğıraqta yaqınça 500 AQŞ soldatı üterelde. Suğış Bush administratsiäseneñ 2002 nçe yılda ara saylawlarnı häm noyäberda prezident, kongress häm gubernator saylawlarında ciñep çığu öçen administratsiäneñ bazarlağan politik produksiä bulıp tora dide Massachusett senatorı.Anıñ süzlärençä administratsiäneñ suğıştan elek Ğıraq tudırğan qurqınıçlar (yäğni ul küpläp üterü qorallarına iä, atom qoralları eşläp çığarırğa tırışa häm al Qaida terror törkeme belän elemtädä tora digän farazlarınıñ berse dä däres bulmağan.. AQŞnıñ barlıq iqtibarın Ğıraqqa cälep itkän waqıtta Äfgan suğışınnan soñ şaqtıy tarqalğan bin Laden çeltäre yañadan oyıştı dip äytte Edward Kennedy (audio) Suğış dönyada bigräk tä İslam Dönyasında Amerikağa näfrätne arttırdı ildä häm çittä xalqıbızğa häcüm mömkinçelegen arttırdı. Ul ayruça eleke finasn minsitırı O''Neillnıñ atna başında näşer itelgän kitabın maqtadı. Kitapta Bush Ğıraqta rejim almaşuın 11nçe sintäberdän elek planlaştıra başladı dip yazılğan. Administratsiä bu argumentlarnı kire qağa. Saqlanu ministırı Rumsfeld prezident här törle tırışlıqnı kürsätkännän soñ, 2003nçe yılnıñ martında suğışqa qarar birde dip äytte. Aqyort süzçese Scott McClellan Kennedyneñ tänqitläwenä qarata (audio) Minemçä bez mäsäläne bik açıq itep añlattıq. Bez Ğıraqta bäğersez rejimnı cimergän öçen dönya iminräk vä yaxşıraq xälgä kilde.Prezident mömkin bulğan barlıq diplomatik çaralarnı qullanğannan soñ ğına suğış başlattı. Kennedy, Bushnıñ Cheny, Rumsfeld häm anıñ yardämçese Wolfowitzdan torğan törkemen suğış küçäre dip atadı. Ul AQŞnıñ bu cäydä Ğıraqta kontrolne ğıraqlılarğa tapşıru plannnarı noyäber saylawların küzdä totıp yasala dide ..

färidä xämit,praga
XS
SM
MD
LG