Accessibility links

сишәмбе, 6 декабрь 2016, Казан вакыты 13:25

Bağdadtan tönyaqta bulğan 3 ayırım höcümdä ğisyançı dip şiklänelüçe 7 ğiraqlı üterelgän


Amerikan armiäse wäkile serjant Robert Cargie AQŞ xärbiläre Baquba şähäreneñ könbatışında bulğan atışta qorallanğan 4 ğiraqlını üterde dide. Cargie süzlärençä soldatlar şul uq tirädä bomba quyarğa mataşqan dip şiklänelüçe tağın 2 ğiraqlını atıp ütergän. Başqa ber ğiraqlı Tikrit şähäre yanındağı atışta üterelgän.

Basra şähärendä distälärçä meñ Ğiraqlı şiğilar citäkçese Ayatulla Ali äs-Sistaniğa teläktäşlek demonstratsiäsendä qatnaştı. Äs-Sistani Quşma Ştatlarnıñ Ğiraqta küçeş çorı xökümäten bilgeläp quyu planına qarşı çığa. Äs-Sistani häm anıñ tarafdarları aldağı aylarda uq xökümätneñ turıdan turı xalıq tarafınnan saylanuın taläp itä.

Bügen Çiklärne Tanımawçı Xäbärçelär isemle xalıqara oyışma uzğan yılnıñ aprel ayında Bağdadnıñ Fälestin qunaqxanäsendä üterelgän 2 jurnalist öçen AQŞ xärbi citäkçelege cawap birergä tieş dip belderde. Bu oyışmanıñ belderüendä, citäkçelärneñ qunaqxanädä jurnalistlar urnaşqan buluın ğäskärlärgä citkermäwe "cinayätçel wayımsızlıq" bulğan dielä.

XS
SM
MD
LG