Accessibility links

Кайнар хәбәр

Yewropa Berlege Rusiäne Gruziädäge ğäskärelären çığarırğa çaqırdı


Berlekneñ tışqı säyäsät öçen cawaplı ölkän wäkile Javier Solana Tbilisida çığış yasap Rusiä 1999 yılğı kileşü nigezendä Gruziädäge 4 xärbi bazasın yabu yöklämälären ütärgä tieş dide:

AUDİO: Yewropa Berlege 1999 yılda İstanbulda imzalanğan kileşülär ütälergä tieş digän qararda. Bu Yewropada İminlek wä Xezmättäşlek Oyışması kileşüe ide. Bu oyışmağa Yewropa illäre, Quşma Ştatlar häm Russiä dä kerä. Şuña kürä bez ul kileşülärneñ ütälüenä bik nıq ömetlänäbez.

Älege 4 bazanıñ 2-se inde yabıldı. Ämma Rusiä räsmiläre qalğan 2 bazanı yabu öçen distä yıldan artıq waqıt kiräk bulırğa mömkin dip belderde. Gruziä isä bu bazalarnıñ 3 yıl eçendä yabıluın taläp itä. Solana Rusiä ğäskärlären çığarunı finanslaw Yewropa Berlege eşe tügel dide.

Solana Gruziä prezidentı itep saylanğan Mixail Saakaşvili belän oçraştı. Saakaşvili Solananıñ bu säfäre Yewropa Berlegeneñ Gruziädäge yaña xakimiätne yaqlawın kürsätä dide. Solana Berlek Gruziägä kürşe illär, şul isäptän Rusiä belän xezmättäşlektä yardäm itärgä cıyına dip belderde.
XS
SM
MD
LG