Accessibility links

якшәмбе, 4 декабрь 2016, Казан вакыты 06:59

Tatar yulı - säyäsi ädäplelek


Pänceşämbe könne Qazanda keşe xoquqları temasına bağışlanğan ber yulı ike çara bardı. Jurnalistlar yortında “Xalıq xoquqları häm säyäsi ädäplelek” digän konferensiä açıldı. Anı tatar PEN-üzäge häm Tatarstan jurnalistları berlege oyıştırğan. Konferensiädä Urıs PEN-üzäge prezidentı, Xalıq-ara PEN-klubınıñ vitse prezidentı Andrey Bitov qatnaşa dielä räsmi xäbärdä. Älbättä konferensiädä qatnaşuçılarnıñ töp öleşe Tatarstannan. Berençe çiratta konferensiäneñ tür başında tatar PEN-klubı citäkçeläre yazuçılar Tufan Miñnullin, Razil Väliev, Rafael' Mostafin, säyäsätçe Rafael' Xäkimov. Konferensiädä respublikanıñ Fändäs Safiullin, Bulat Soltanbekov kebek tanılğan säyäsätçeläre qatnaşalar. Konferensiä bik eçtälekle bulırğa oşağan. Tufan Miñnullin kereş süzendä ük säyäsi ädäplelek digän närsägä äle bik yıraq buluın iskärtte. Şuşı konferensiäneñ töp oyıştıruçısı tatar PEN-üzägenä äledä “ul nindider masonnar oyışması axrı” dip Mäskäwgä şiqäyätlär yazıp yatalar dide tatar PEN- üzäge prezidentı. Ä inde citdi itep äytkändä tatar PEN-üzäge inde cide yıl çaması yäşi häm eşli. Şuşı yıllarda ul tatar yazuçılarınıñ äsärlären inglizçägä tärcemä itep “Mäğärif” näşriätendä bastırıp çığardı häm dönyanıñ iñ ere kitapxanälärenä, universitetlarına tarattı. Uzğan yıl azağında PEN-üzäge “Tatar yulı: xalıq xoquqları häm säyäsi ädäplelek“ digän kitap bastırıp çığarğan. Kitapta yazuçılarnıñ, ğalimnärneñ, säyäsätçelärneñ Rusiädä milli mäs'älä turında uylanuları tuplanğan. Menä şuşı kitapta kütärelgän mäs'älälär konferensiägä tema itep çığarılğan da ide. Mäskäw qunaqlarınıñ da älege mäs'älälär xaqında äyter süze cıyılğan ikän. Konferensiädä Andrey Bitov tä'sirle çığış yasadı. Bigräktä jurnalistlarğa tä'sirle çığışnı Rusiä general' prokuraturası xezmätkäre Boris Panteleyev yasadı. Şulay itep Boris Panteleev jurnalistika häm publitsistika ölkäsendä säyäsi ädäplelek kiräklegen häm qanun räweşendä buluı zarurlığın Tatarstandağı qayber oçraqlar misalında söyläde. Älege konferensiä ike kön däwamında baraçaq. Kiläse tapşırularıbızda anıñ yomğaqları turında ireştererbez xörmätle tıñlawçılarıbız. Ä inde keşe xoquqlarına bağışlanğan ikençe çarağa kilgändä anısı cıynağraq häm tıynağraq. İdel buyı federal' okrugınıñ Qazandağı ictimaği qabul itü bülmäsendä. Federal' okrugınıñ keşe xoquqları şurası tügäräk östäl ütkärde. Uzğan yılnıñ cäyendä oyıştırılğan bu şura xoquq saqlaw oyışmaların berläşterergä tırışa.

XS
SM
MD
LG