Accessibility links

Кайнар хәбәр

Rusiä Gruziädäge bazalarınnnan çigenüen kiçekterü öçen qulınnan kilgän här närsäne eşli


Rusiä saqlanu ministırı Sergei İvanov atna başında Gruziädäge bazalarınnan xärbilären çığaru eşen tizlätmiäçägen belderde. Anıñ bu belderüe AQŞ çigenü eşen öleşçä finansiäliäçäk dip işarä itkännän soñ yasaldı. Belgeçlär Russiä şartlarğa qarağanda waqıt qazanu belän kübräk qızıqsına digän fiker belän kileşä.

Saqlanu ministırı Sergei İvanov Russiä Gruziädäge xärbi bazalarınnan çigenüen2014nçe yıldan elek tämamlamas dip äytkän ide(audio) Gruziä Russiä çigenü eşen 1999nçe yılğı kileşügä kileşle tämamlarğa tieş digän noqtada tora. İvanov çigenü öçen kiräkle aqça ayrılğançığa qädär Mäskäü belän Tbilisi üzara kileşügä ireşergä tieş di.1994nçe yılda Germaniädä urnaşqan sovet xärbiläreneñ çigenüe bik qıyın bulğan ide. Soldatlar öylärenä qaytıp kitkändä kazarmalardağı bädräf , krant, işek totqalarına qädär sütep alıp kitte..Çönki alar öygä qaytqaç şul äyberlärne satu berdänber kerem bulaçak dip belde. Yaxşıraq elemtäläre bulğan ofitserlar xärbi maşina ,qorallarnı sattı. Öygä qaytqan soldatlar törle skandallarğa qatnaştı, tanklarnı votqağa alıştıru kebek xabärlär Russiä mätbuğatın şaqtıy mäşğül itte. Bu waqıyğälär Çeçnädä ciñelgän armiäneñ abruyın tağı da töşerde. Carnegie Fondında saqlanu belgeçe Aleksander Pikayev Germaniedän çigenü Russiä xärbilärendä bik tirän ez qaldırdı di(audio) Mäskäü Germaniädän yartı million ğäskärine ber niçä ay eçendä qaytardı.Gruziä häm AQŞnıñ bulışlıq täqdimnäre 7meñ xärbine 3yılda çığarıp beterüne küzdä tota. Atna başında AQŞ däwlät sekertarınıñ yardämçese Lynn Pascoe Quşma Ştatları Russiäneñ Gruziädän çigenü çığımnarınıñ ber öleşen qaplayaçaq dip äytkän ide. Germaniä üz waqıtnda qaytqan xärbilärgä yaña toraqlar tözelüe öçen 7milliard 800million mark birgän ide. Ber görce räsmiä Mäskäü çigenü öçen 500million dollar taläp itä dip äytsä dä, Rusiä bu summanı raslamadı. Pikayev finans aspektı AQŞnı qabul itelmäs pozitsiädä qaldıru öçen äytelgän närsä di.Däwlät Departamentı süzçese Adam Ereli min çığıp kitü öçen tülänäçäk aqça miqtarın äytä almim, ämma bez Rusiä İstanbulda alğan yäklämäsen ütär dip kötäbez dide. 1999nçe yılda Yevropa İminlek vä Xezmättäşlek Oyışmasınıñ İstanbul cıyılışında imza itelgän kileşügä kürä Rusiä 2001nçe yılnıñ iyülendä Gudauta häm Vaziani bazaların yabqan bulırğa Batumi häm Axalkalaki bazaların yabu turında söyläşülär alıp barırğa tieş ide. Söyläşülär näticäsez,Mäskäü Batumi häm Axalkalakinı yabu öçen 11 yıl waqıt häm finans kompensatsiäläre sorıy. Yevropa Oyışması dikäber ayında 99nçe yılğı kileşüne bozğan Rusiäne tänqitläsä dä, ul yöklämä alunı kire qağıp,niäte buluı turında ğına äytte. Saqlanu ministırı İvanov aqçağa qarağanda säyäsi mäsälälär zurıraq kirtä bulıp tora dide. (audio) Mäskäüdä urnaşqan BDB institutında Görcistan belgeçe Mixael Aleksandrow qaraşınça Mäskäü Gruziäneñ NATOğa quşulu telägen qabul itä almıy (audio) Pikayev qaraşınça Rusiä bälkim dä Ärmänstandağı bazalarına Gruziä teritoriäse aşa kerü, şulayuq Gruziä hava alanları häm portların qullanu öçen dä kileşülärgä ireşergä tırışa.Aleksandrow Mäskäw , bälkim Gruziädä kiläçäktä politik xällär üze öçen kileşle bulır digän ömed belän çigenü eşen kiçekterep tora dip äytä. Nezavisimaya Gazeta İvanownıñ komentarların yaña salqın suğış çorın açu dip bäyäläde. Rusiä çigenü turındağı yöklämäsen ütägänçegä qädär AQŞ häm NATO yevropada ğädäti köçlär turındağı kileşüne ratifikatsiäläwne kire qağa. Kileşü köçtäge kileşüneñ yañartılğan forması . Dokumenta 30il şul sanda AQŞ häm Russiäneñ Yevropada urnaştıraqçaq Tank, awır artileriä, Suğış oçqıçları, höcüm boralaqlarınıñ sanın çikli.Kreml küzdän kiçerelgän kileşüneñ şunduq köçkä kerüen teli .3Baltıyq ilendä älegä waqıtta qoral çikläwe yuq.Kileşü ratifikatsiälänsä anda da bilgele mitarda ğına qorallar toraçaq. Ministır S.İvanov Rusiä Yevropadağı AQŞ bazalarınıñ könçığış çiklärenä kiterelep urnaştıru ixtimalenä borçıla dide . Anıñ äytüenä qarağanda Waşington Germaniedäge xärbi bazaların Polşa ,Rumıniä häm könçığış yevropanıñ başqa illärenä küçeräçäge turında Mäskäügä xabär birgän.

färidä xämit,praga
XS
SM
MD
LG