Şuşı uñaydan älege wäkilçelek citäkçese Zinnur Märdanov jurnalistlar belän oçraşıp qayber mäğlümatlar birde. Soñğı yıllarda Başqortstan küp kenä çit illär belän turıdan – turı iqtisadıy häm mädäni bäyläneşlär buldıra başladı. Zinnur Märdanov süzlärençä, äle Rusiädä barı tik 10 çaması ğına töbäk çit däwlätlär belän nıqlı üzara faydalı xezmättäşlektä tora. Şul isäptä Başqortstan da bar. Älege köndä Başqortstan dönyanıñ 90 çaması ile belän tege yäki bu däräcädä xezmättäşlek itä.
Zinnur Märdanovqa Rusiäneñ häm şul isäptän Tatarstan belän Başqortstannıñ İslam Konferensiäsn oyışması eşlärenä dä qatnaşa başlawına mönäsäbätle soraw birelde.
