Accessibility links

Ğiraq şiğiları xökümätne bilgeläp tügel, saylap quyırğa taläp itä


Quşma Ştatlarnıñ Ğiraqtağı waqıtlı citäkçese Paul Bremer bügen Washingtonda prezident George Bush belän oçraşa. Anıñ belän anda Ğiraqnıñ İdarä Şurası äğzaları da kilde. Ğiraqnıñ üzendä waqıtlı xökümätne bilgeläw niätenä qarşılıq arta. Bügen Şiği möselmannar citäkçese Ayatolla Ali Äl-Sistani, xökümät saylanıp quyılmasa, protest çaraları belän kisätte. Kiçä Basra şähärendä meñlägän keşe demonstratsiä ütkärep, xökümätne bilgeläp tügel, ä saylap quyarğa taläp itte.

Bügen Bagdadta Amerikan xärbiläre başlığı Ricardo Sanchez, tağın berniçä Ğiraq suğışçısın törmädän çığaru ixtimalın äytte. Läkin, alar öçen başta kemder cawaplılıq alırğa tieş, dide ul:

Audio (Ricardo Sanchez)

"Cawaplılıq aluçı keşe, totqınnıñ başqa köç qullanmayaçağın wäğdä itergä tieş. Ägär wäğdä bozılsa, ul koalitsiä köçlärenä bu turıda kilep xäbär itergä tieş."

Ğiraqta qalğan qorallı törkemnärgä möräcäğät itep, Sanchez, alarnı qoral taşlarğa çaqıdı, "yuq isä, sezne ülem, yä törmä kötä" dip kisätte.
XS
SM
MD
LG