Accessibility links

якшәмбе, 4 декабрь 2016, Казан вакыты 00:48

İrannıñ sızıp taşlanğan deputatları Saqçılar Şurası qararına buysınmaçaq


İrannıñ reforma taraflı töp firqä başlığı, Prezident Möxämmät Xattaminıñ enese, Möxämmät Riza Xattami, saylaw isemlegennän sızıp taşlanğan deputatlar qadimi köçlärneñ qararına buysınmaçaq, dip belderde. Monıñ aldınnan ğına, tanılğan ruxanilarnıñ berse, Ayatolla Mäxämmät İmami Qaşani, tıyılğan isemlek qabat küzdän kiçereläçäk, dip wäğdä itkän ide. Tähran Universitetında ütkärgän comğa wäğäzendä Qaşani, ilneñ yuğarı ruxanie Ayatolla Ali Xömänei isemlekne yañadan qarap çığarğa quştı, häm bez şulay eşliäçäkbez, digän ide. Ämmä Riza Xattami süzlärençä, kiläse ayda ütäçäk saylawlarda sızıp taşlanğan 3600 namzätneñ barısı da qatnaşırğa tieş. Bu süzlären ul bügen Parlament binasında äytte. Berniçä distä deputat menä inde 6 kön rättän binadan çıqmıyça protest çarasın ütkärä. İrannıñ qadimi köçlär qulında bulğan Saqçılar Şurası kiläse ayda ütäçäk saylawlar isemlegennän 8 meñläp namzätneñ yartısın sızıp taşlağan ide. Sızılğannarnıñ kübese reforma taraflı namzätlär. Şul isäptän, xäzerge Mäclesneñ 80 deputatı.

XS
SM
MD
LG