Accessibility links

пәнҗешәмбе, 8 декабрь 2016, Казан вакыты 23:21

Musa Ğäli wafat buldı


15 ğinwarda Başqortstannıñ kürenekle şağire, Salawat Yulayev isemendäge däwlät büläge iäse Musa Ğäli wafat buldı. Uzğan yılnıñ 15 oqtyabrendä genä yaratqan şağirebez üzeneñ 80 yäşen tutırğan ide. Qatı awıruı arqasında, ul üzeneñ şuşı tügäräk tuğan könen räsmi töstä zurlap ütkärüdän dä baş tarttı. İnde menä yazmış cile Musa ağanı bezneñ aradan alıp kitte.

Musa Ğäli tumışı belän Başqortstannıñ Çişmä rayonındağı İske Musa digän tatar awılınnan. 1923 yılğı küp yäştäşläre kebek ük, ul da İkençe dönya suğışında qatnaşa. Front yullarınnan qaytqaç, Başqortstan däwlät pedağoğiä institutında belem ala. Annan soñ anıñ bar ğömere ädäbiät belän, icat eşe belän bäyle bula. Bar asılı belän şağir bulsa da häm küp cıyıntıqları şiğri äsärlärdän torsa da, ul başqa janrlarda da uñışlı eşläde häm uquçılarnıñ söyüen yawladı.

Başqortstandağı küp kenä tatar ädipläre kebek ük, Musa Ğäli dä başqortça icat itte. Ämma ul pasportındağı millät atamasın başqortqa üzgärtmäde häm tormışında da tatar buluı belän ğorurlanıp yörde. Ä bu qıyulıq här keşeneñ qulınnan kilmi.

Şağir belän xuşlaşu 17 ğinwarda Başqortstan däwlät filarmoniäsendä 11 säğättä başlana. Märxüm mäñgelek yortına Ufadağı möselman ziratına küçereläçäk.

Fänis Fätxi, Ufa

XS
SM
MD
LG