Accessibility links

җомга, 2 декабрь 2016, Казан вакыты 23:05

Dönya buylap Fransiä xakimiateneñ mäktäplärdä dini tamğalarnı tıyu qararına qarşı çaralar ütkärelä


Paris. Fransiädäge däwlät mäktäplärendä dini tamğalar yörtüne tıyu turındağı qanun ölgesen xökem itep bügen berniçä ildä uram cıyınnarı ütkärelde. Alar Bäyrut, Amman häm Londondağı fransuz ilçelekläre qarşında oyıştırıldı, berük waqıtta Fransiäneñ üzendä dä uzdı. Nigezdä möselman oyışmaları wäkilläre qatnaşqan näq şundıy uq çaralar Kanada häm Quşma Ştatlardağı fransuz wäkillekläre qarşında da ütäçäk. Livan başqalası Bäyruttağı cıyında meñläp yäş möselman qızı, Ammanda 100-läp xatın qatnaştı dip xäbär itelä, alar Fransiä prezidentı Jacques Chiracnı mäktäplärdä dini tamğalar yörtüne tıyu qararın kire qağırğa öndägän. Londondağı çaranı oyıştırğan "Hezbe-t-Tahrir" törkeme, bu uñaydan bäyän itkän belderüendä, tıyunı "islamğa qarşı açılğan yaña front" dip bäyäli.

XS
SM
MD
LG