Accessibility links

җомга, 9 декабрь 2016, Казан вакыты 22:22

İrannıñ üzäk saylaw komissiäse nämzätlärne töşerü qararı kire qaralmasa urınınnan kitüe belän kisätä


Tähran. İrannıñ üzäk saylaw komissiäse räise Mortaza Mobalağ bügen, kiläse ayğa bilgelängän parlament saylawlarına äzerlek aldan qaralğança däwam itäçäk, läkin Saqçılar Şurasınıñ 3 meñläp reformaçıl nämzätne yarıştan alu qararı kire qaralmasa saylaw komissiäse üz-üzen tarqata ala dip belderde. Berük waqıtta İrannıñ eçke eşlär ministrı urınbasarı da bulıp torğan Mobalağ, üzeneñ, ğadel häm qanunnar nigezendä oyıştırılğan tawış birü ütkärergä teläwen äytä häm qadimilärneñ meñlägän reformaçıl nämzätne isemlektän sızıp taşlawına iaşrä itep, ägär dä şul ğadel saylawlarğa yul quyılmıy ikän, komissiä tulısınça üz eşennän kitä ala dip kisätä. İrannıñ kürenekle cämäğät eşleklese, bıltırğı Nobel bülägen qazanğan Şirin Ebadi isä bügen, Hindstannıñ Bombey şähärendä yasağan çığışında, ägär dä İrandağı qadimi köçlär prezident Möxämmäd Xatamineñ reformalarına ayaq çauın däwam itsä, ul urınınnan kitäçägen belderergä tieş dip äytte.

XS
SM
MD
LG