Rangun. Birmanıñ xärbi citäkçelege bügen, oppozitsiädä toruçı Milli Demokratiä Ligası äğzası bulğan 26 säyäsi totqınnı azat itüen belderde. Liganıñ citäkçese, mäğlüm cämäğät eşleklese häm Nobel büläge iäse Añsoñ Suçi başqala Rangunda öy sağında qala birä, elegräk ul, partiäseneñ bar citäkçeläre dä irekkä çığarılmıy torıp, xärbi xuntanıñ üzen azat itüen qabul itmiäçägen äytkän ide.
