Accessibility links

якшәмбе, 4 декабрь 2016, Казан вакыты 17:22

Rusiä armiäsendä rekrutlarğa räximsez möğämälä qorbannarğa da säbäp bula: Berezin waqiğäse


Russiäneñ Yıraq Könçığışında säğätlärçä uramda torğannan soñ ber rekrut vafat buldı, 80 tiräse xastaxanägä salındı. Rekrutlarnıñ, ğailä ağzalarınıñ häm keşe xoquqları oyışmalarınıñ belderüençä, bu ğädättäntış xäl tügel. Russiä qorallı köçläre rekrutlarnıñ sälämätlegen saqlauğa tieşle ähämiät birmi.

Rekrutlarnıñ berse Volodya Berezin xärbi xezmätkä nıqlap äzerlänsä dä, bu anıñ tormışın qotqara almadı. Ul 2-nçe ğinvarda pnoemoniädän ülä. Berezin 3-nçe dikäberdä xärbi xezmätkä alına. Magadanğa barğanda yulda oçqıç yağulıq alğanda , rekrutlar säğätlärçä hava maydanında minus 25 däräcädä şähär kiemendä uramda kötärgä mäcbür itelgännär. Berniçä könnän soñ, ul häm unarlağan rekrut xastalana häm soñğaraq Berezin Magadanda xastaxanägä saılnsa da, üpkä yarsınuınan hälak bula. Bu vaqiğä prezident Putin cavaplılar cazalandırılaçaqlar dip beldergännektän bulsa kiräk, Russiä mediasında möhim urın bili başladı. Russiä xärbi prokuraturası süzçese Mixail Yanenko cavaplılar cazalandırılaçaqlar dip belderde.

Audio

Yuğarı däräcädäge öç ofitser Mixail Çij, Vladimer Satsav häm Oleg Kostrükovqa qarşı cinayär eşe quzğatılğan. Başqa qayber ölkän ofitserlarnı da cavapqa tartu öçen Mäskävdän kürsätmälär cibärelgän. Mondıy häm rekrutlarnı keşegä sanamağn başqa vaqiğälär bulğalap tora. Tönyaq Kafkazda ike yıl rekrut bulıp xezmät itkän Mixail radiobıznıñ Mäskävdäge xaberçesenä Berezin vaqiğäse ğädättäntış tügel, küpkenä oçraqlarda rekrutlar salqında torırğa mäcbür itelälär dip belderde.

Audio

Xäkümättän bäysez Analar Xoquqı fondı başlığı Veronika Marçenko armiädä qurqu atmosferası xökem sörä dip äytte.

Audio

Ä inde xastaxanädä dävalanu bäxetenä ireşkän rekrutlar xezmätkä qaytqaç yış qına ezärleklänälär. 21 yäşlek Roman Podekrıbuşev pnemoniä belän auırıp, xastaxanädä dävalanğanna soñ kire qaytqaç, ofitserlar anıñ pasportın häm baldağın urlağannar häm anı cäberlägännär ikän. Ul ezärleklävlärgä çıdıy almıyça uzğan August ayında postta çaqta üz-üzen üterü maqsäte belän auızına ata, läkin ülmi. Xätta şunnan soñ da komandirlar aña tieşle meditsina xezmäte kürsätergä aşıqmağannar. Anıñ änise Vixorievka xanım Seberdän torıp radiobız xäbärçesenä telefon aşa bolarnı beldergän.

Audio

Ul ulınıñ komandirına tieşle opporatsiä öçen kiräk bulğan dokumentlarnı äzerläven sorap şaltratqan. Bu ängämäne Vixorievka xanım bolay dip añlattı.

Audio

Analar xoquqı fondı mäğlümätlärenä kürä, Russiädä rekrutlar bäreleşlär vaqıtındağı yaralarğa qarağanda küberäk törle xastalıqlardan ülälär. Human Rights Watch oyışması da , yözärlägän rekrut belän ütkärelgän ängämälärgä tayanıp şundıy uq näticägä kilä. Ul raport aftorlarınıñ berse Petrov bolay di

Audio

Şulay uq tuqlanu mäsäläsendä dä problemmalar küp. İke yıl xezmät itkän Mixail bu xaqta bolay di

Audio

Rekrutlar arasında açlıqtan ülü vaqiğäläre dä bulağalıy. Analar xoquqı fondı başlığı Marçenkonıñ süzlärençä,

Audio

Armiä rekrutlarğa cimerelgän xäldä oxşaşı belän almaştıru mömkin bulğan mıltıqnıñ ber öleşe dip qarıy bulsa kiräk. Färit İdelle, Praga.
XS
SM
MD
LG