Accessibility links

сишәмбе, 6 декабрь 2016, Казан вакыты 21:05

Tatarstannan 13 Üzbäkstan watandaşı sörelde


Şuşı könnärdä 13 Üzbäkstan keşese mäcbüri räweştä Tatarstannan qaytarılıp cibärelde. Alarğa 5 el eçendä Rusiägä kerü röxsät itelmäyäçäk. Tärtip saqlawçılar, mondıy qatğıy çarağa barmaslar ide, äğär dä bu keşelär terkälü uzğan bulsalar, yäki üzläre waqıtında kitkän bulsalar. Ğailälärenä beraz açqa yünätergä dip kilgän şuşı 13 üzbäk , qara eşkä «Karton» digän şirkätkä kerä häm 3 ay buyı, ber tuqtawsız, anda xezmät itä. Ämma eş birüçelär, alarğa eş xaqın tülämägän häm bik naçar şartlarda yäşätkän bulğan.



Eçke eçlär ministrlığınıñ Migratsiä xezmäte, eş öçen röxsät almağan älege 13 üzbäkne häm eş birüçe «Karton» şirkäten cawaplılıqqa tartırğa uyladı. Tärtip saqlawçılar Üzbäkstan watandaşların ber tapqır kisätkän inde, Tatarstanda qanunsız räweştä yäşägän öçen, alarğa cinayät eşe açılğan. Mäxkämä, bu üzbäklär respublikadan kitärgä tieş, digän qarar çığarğan. Ämma eş xaqların kürmägängä kürä, bu keşelärneñ qaytu biletın alırğa açqaları bulmıy.



Ütkän yallarda tärtip saqlawçılar alarnı eş urınnarınnan alıp kitep, çit il grajdannarın waqıtlıça urnaştıru yortında beraz totıp, öylärenä qaytarıp cibärde. Bilet xaqların, qanunsız räweştä çit il watandaşların eşkä alğan «Karton» şirkäte tülärgä tieş bula.



Migratsiä xezmäteneñ matbuğat üzäge birgän xäbärgä qarağanda, şuşı Üzbäkstan watandaşları arasında tatarlar bulmağan. «Çittän kilüçe tatarlar ber qayçan da Tatarstannan sörelmägän. Biredä süz eş vizası belän kilgän keşelär turında ğına bara», dip añlattılar Migratsiä xezmätendä. Eçke eşlär ministrlığı mäğlümatlarına qarağanda, 2003 Tatarstannan barlığı 174 çit il watandaşı quılğan. Respublikağa xezmät itü öçen kilüçelär sanı bik küp, alarnıñ 22 400 meñe genä räsmi räweştä terkälü uzğan.



«Qanunsız immigrant», «Deportasiä» operatsiälären Eçke eşlär ministrlığı daimi räweştä ütkärergä planlaştıra. Mäsälän, çit il watandaşların tikşerü häm ildän sörü çaraları fevral ayında uq ütärgä mömkin.



Eş birüçelärgä qarata da qatğıy çaralar küreläçäk: maxsus röxsät käğäzen almıyça, çit il watandaşların eşkä cälep itkän öçen – ştraf salına, salımnar tülämägän öçen - cäza birelä häm eşçelärneñ qaytu biletları da, eş birüçe xisabına alına.



Bikä Timerova.

XS
SM
MD
LG