Accessibility links

җомга, 9 декабрь 2016, Казан вакыты 12:46

Xalıqara Atom Energiä İdaräse Liviäneñ atom programmasın tikşeräçäk


İdarä başlığı Möxämmät Äl-Baradei süzlärençä, Quşma Ştatlar moña rizalıq birgän. Bügen Äl-Baradei Venada Quşma Ştatlar däwlät sekretare urınbasarı John Bolton häm Britaniäneñ Qoralsızlandıru belgeçe William Ehrman belän oçraştı. Äl-Baradei süzlärençä, bu ike il Liviäne tikşerü eşendä matdi-texnik yärdäm kürsätäçäk:

Audio (Möxämmät Äl-Baradei)

"Minemçä, bez kileşügä ireştek. İdaräneñ wazifası mäglüm, bez tikşerergä tieş. Alay da, bez Amerika häm Britaniäneñ texnik yärdämenä moxtac. Oçraşunıñ maqsatı – bezneñ ğämällärne kileşterü ide."

Bügenge oşraşuğa qädär Liviäne kem tikşerergä tieş, digän mäsälädä bäxäs bardı. Xalıqara Atom Energiä İdaräse, bu - bezneñ wazifa, dip täqrarladı. Quşma Ştatlar - üz belgeçlären cibärergä teläde. Bilgele bulğança küptän tügel Liviä citäkçese küpläp üterü qoralın citeşterüdän baş tartuwın beldergän ide.

XS
SM
MD
LG