Accessibility links

җомга, 9 декабрь 2016, Казан вакыты 14:30

Radikal'' Weyls partiäseneñ ike wäkile Yevropa Parlamentı Ğıraqta Yevropa Berlege xärbilärenän hälak bulğan tınıç xalıq mäs''äläsen tikşersen dip teli.


Britaniädäge millätçe Veyls partiäse "Plade Kimroo"nıñ ike aldınğı väkileı Yevropa Parlamentı , Yevropa Berlegendäge ağza illärneñ xärbiläreneñ Ğıraqta tınıç xalıq arasındağı qorbannar öçen cavaplılığın tikşersen digän inisiativa belän çıqtılar. Bu mäsälädä açıqlıqnıñ bulmauı Yevropa Berlegeneñ keşe xoquqları standartına külägä töşerä ikän. Radiobıznıñ Brusseldäge xäbärçeseneñ bu xaqtağı mäğlümätläre.

"Plade Kimroo" partiäseneñ Britan parlamentı deputatı Adam Price saqlıq belän bu turıdağı ğäyeplävlärneñ tikşerelüen genä teläven äytte. Läkin, anıñ süzlärençä, Maynıñ 1-nän alıp bügengäçä berektäş köçlär tınış xalıqnıñ 250-seneñ üleme öçen cavaplı digän raslaular Yevropa Berlegendä borçılu tudırırğa tieş. Bügenge köndä Ğıraqta Yevropa Berlegendäge öç ilneñ Britaniä, Daniä häm Holandiäneñ xärbiläre tora. Deputat ülüçelärneñ buluı, Yevropa Berlegeneñ keşe xoquqları mäsäläsenä külägä tüşerü häm Möselman Dönyası belän mönäsäbätlärgä zian kiterä dip belderde. Priceneñ belderüenä qarağanda, şul säbäple ul bäysez häm bitaraf tikşerülär ütkärsen öçen Yevropa Parlamentına möräcäğät itä. Price häm şuluq partiäneñ Yevropa Parlamentı deputatı Jill Evens üterülärdä Yevropa Berlege illäre köçläreneñ dä qatnaşqan buluına borçıluların belderde.

Audio

"25 tınıç ğıraq keşeseneñ Britan köçläre tarafınnan üterelgän buluın beläbez. Şulay uq Daniä xärbiläre qatnaşqan başqa insidentlarnıñ , şulay uq Holandiä xärbise qatnaşqan insidentnıñ buluın beläbez. "

Ul bu vaqiğälär tieşençä tikşerelmäde häm bigeräk tä Britan xökümätendä açıqlıq yuq dide.

Audio

"Tınıç xalıqtan qorbannar mäsäläsen tikşerüdä bigeräk tä Britaniädä açıqlıq yuq . Yevropa Berelege xärbiläre qoralsız tınıç xalıqnı ütergän digän xäbärlär borçılu tudıra."

Anıñ süzlärençä, bu vaqiğälär turında informatsiä cıu bik qıyın. Çönki, AQŞ häm Britaniä xökümätläre 1-nçe maydan soñ hälak bulğan tınıç xalıq turında mäğlümät iğlan itmilär. Şul säbäple dä ul bu mäsäläne Yevropa Berlege tikşerergä tieş dip belderä. " Payd Kamroo" pratiäseneñ Yevropa Parlamentındağı deputatı bu mäsäläne üz fraksiäse, jäşellär häm väkalätsez millätlärneñ deputatları belän tikşeräçägen belderde.

Audio

"Min başta monı Yäşellär häm Yevropa İrekle Berlege politik törkeme belän tikşeräçäkmen. Çönki Yevropa Parlamentı tikşerenülär ütkärü turında qarar qabul itep, vaqıtlı komitet tözärgä bulsa, monı fraksiä citäkçeläre konferensise täqdim itärgä tieş bulaçaq. Bez ütkändä bulğanı kebek başqa illärneñ xalıqları belän bergäläp xäräkät itärgä telibez.Ä

Läkin, bu täqdimneñ ütüe öçen Yevropa Parlamentındağı ike zur fraksiäneñ berseneñ Sotsial demokratlarnıñ yaki konservativlarnıñ yaqlauı kiräk.

Färit İdelle, Praga.
XS
SM
MD
LG