Accessibility links

шимбә, 10 декабрь 2016, Казан вакыты 04:20

BMO Ğıraqta saylawlar mäsäläsendä kiñäş bireräçäkme ?


Prezident Bushnıñ saylaw programmasına turı kiterep, saylawlar ütkärmiçä xakimiätne ğıraqlılarğa tapşıru planlaştırıla.Ämma il xalqınıñ küpçelegen täşkil itkän şiğılar AQŞplannarı belän kileşmi,turıdan turı saylawlar ütkärelüen taläp itä .AQŞ andıy saylawlar ütkärü mömkin bulmas digän ömed belän BMOdan Ğıraqtağı wazğiätne bäyäläwne soradı. General sekretar K..Annan täqdimne saqlıqlı qızıqsınu belän qarşı alğan.

BMO general sekretarı K.Annan kiçä Nyta Ğıraq İdarä Şurası äğzaları häm xaqıtlı xakimiät başlığı P.Bremer belän oçraqannan soñ,bolay dide(audio) İdarä Şurası häm Koalitsiä waqıtlı xakimiäteneñ wäkilläre BMO bik tizlektä Ğıraqqa texnik missiä cibärep, berniçä ay eçendä saylawlar ütkärü mömkinme-bulmasa nindi alternativalar bar şul turıda soradılar. Älege waqıtta in irtä may ayında saylawlar ütkärelüe öçen texnik, politik yäki iminlek şartları barmı digän mäsälä tora. Kiçäge oçraşuda taraflarnıñ yaxşı niätlärenä qaramastan ,Annan sonğı 10 ayda här närsäne AQŞ xäl itkän Ğıraqta xäzer andağı säyäsi täräqiät , tözekländerü eşlärenä BMOnı qatnaştırırğa riza bulırmı ? Ğıraqta AQŞnıñ xärbi aksiälären raslamağan dönya oyışması belän Waşington arasında tirän upqın yata.Aylarça çitkä qağılğan häm Bagdadtağı başkvartirası bombalanğannan soñ K.Annan Ğıraqtağı barlıq xezmätkärlären çığarğan ide. General sekretar kiçä bezgä xakimiät birelsä häm iminlek tämin itelsä genä Ğıraqqa qaytaçaqbız dide. İdarä Şurası häm Koalitsion räsmiläre üzläre belän ilneñ in tanılğan şığı citäkçese Aytolla Ali al_Sistani arasında kiskennäşä barğan bäxästä BMO bik yaxşı aradaşçı bula ala dip qarıy.Koalitsion köçlär 30nçe iyündä xakimiätne 18 töbäktän cibärelgän wäkillärdän torğan waqıtlı xakimiätkä tapşırunı planlaştıra.Sistanı bu plannı kire qağıp, turıdan turı saylawlar ütkärüne taläp itä. Arta barğan sanda ğıraqlılar da bu taläpne yaqlıy häm waqıtlı xakimiättän plannı üzgärtüne sorıy demonstratsiälär ütkärä.AQŞ administratorı P.Bremer kiçä bilgelängän kön 30nçe iyüngä qädär saylawlar ütkärü mömkin tügel dip söyläde. Annan da bu fiker belän kileşkän kürende ,şulay da ul kiräkle şartlar barmı , moñı bilgeläw berençel eş, bulmasa Sistani qabul itärlek alternativa tabarğa kiräk dide.Bremer saylawlar ütkärü bik ciddi mäsälä, BMO bu eştäge täcribäse belän yardämçe bula dip söyläde,Bagdadtta waqıtlı xakimiättä Bremerden qala ikençe urında torğan Sir Jeremi Greenstock koalitsion xakimiät BMOnıñ Ğıraqta politik täräqiätkä aktiv qatnaşuın teli dip äytte.Atna azağında Bagdadta Koalitsion köçlärneñ başkavartirasına yasalğan höcümdä in kimendä 24 keşe, kübese ğıraqlılar häläk buldı . K Annan Ğıraqtağı wazğiätkä qarap,BMOnıñ qaytaçaq xezmätkärläreneñ iminlege garantiälänergä tieş di.İdarä Şurasınıñ älege citäkçse Adnan Paçaçı İminlek tämin iteläçäk dip ışana(audio) Bez BMO Ğıraqta tiz waqıt eçendä aktiv rol uynıy başlar dip ömed itäbez.Min optimistik qaraşta.Bu eş bulaçaq.İminlek çaralarına kilgändä bez BMOnıñ iminlegen tämin itä alaçaqbız dip uylıym.Bu turıda söyläşep bula K.Annan Ğıraqtağı xällärne tikşerü öçen anda üz törkemen cibärü mäsäläsen qarıyaçaq dip äytep , şunduq üteneçkä riza bulmadı. AQŞ citäklägän koalitsiä tarafınnan ber nindi eşkä qatnaştırılmağan dönya oyışması xäzer Amerikadağı saylawlarnı küzdä totıp,saylawlar ütkärelmi xakimiätne ğıraqlılarğa tapşıru öçen äzerlängän plannı yaqlarğa tieş.

färidä xämit,praga
XS
SM
MD
LG