Accessibility links

шимбә, 10 декабрь 2016, Казан вакыты 17:40

Tatarstannan saylanğan Duma deputatları nindi komitetlarnı saylağan?


Bankir Rinat Ğöbäydullin byudjet häm salımnar komitetında xezmät itäçäk. Elekke yäşlär häm sport eşläre ministrı urınbasarı İldar Ğilmetdinov sport häm fizik tärbiä komitetına kergän, KamGESta eşläp kitkän Viktor Eltsov sänäğät, tözeleş, fän texnologiäläre komitetında xezmät itärgä teli, «Molodej Tatarstana» gäziteneñ elekke baş möxärrire Änbär Karmeev informatsion säyäsät komitetında talantların kürsätäçäk.



Elekke Tatarstan Däwlät Şurası deputatı Marat Mäğdiev, Dumada, Federatsiä eşläre häm regional säyäsät komitetına kergän.

Oleg Morozov – Duma räise urınbasarı wazifasına saylanğan. Qazanda ber şirkät citäkçese bulıp torğan Änwär Möxämmätzakirov iqtisadi säyäsät, eşmäkärlek häm turizm säyäsäte komitetında qanunnar östendä eşläyäçäk.



Energetika universitetı rektorı bulğan Yuriy Näcmiev, xäzer, fän häm mäğärif komitetına kergän. Moña qädär dä Duma deputatı bulğan Mixail Rokitskiy xäzerge parlamentta 2 komitetta eşlärgä uylap tora: sälämätlek saqlaw häm mandatlar, deputatlar etikası komitetlarında. Tübän Kama saylawçıların wäkillek itkän Albert Salixov üzidarä komitetında qanunnar yazuda qatnaşırğa plannar qora. Ere biznes wäkile häm sıraçı Ayrat Xäyrullin agrar säyäsät komitetında qanunlıqqa üz öleşen kertergä uylıy.



Qayber mäğlümatlarğa qarağanda, barlıq deputatlar da urnaşıp betkän, eş bülmäläre, yäşärgä urın belän tä’min itelgän. Fatirsızlar Mäskäwdä, şähär üzägendä «Rossia» qunaqxanäsendä yäşi. Tatarstan deputatlarınıñ qaysıberläre ğailälären dä Mäskäwgä küçerep ölgermägän. Yallar bulğan sayın, Qazanğa qaytıp yörilär ikän.

XS
SM
MD
LG