Törkiä belän Paqstan terrorğa qarşı köräştä xezmättäşlek itü häm mäglümät belän alışü turında kileşü imzaladı. Ankarada ütkän imzalaw çarasında ike ilneñ prezidentları qatnaştı: general Pärwäz Möşärräf belän Ähmät Näcdät Sezer. Möşärräf süzlärençä, bu kileşülär terrorğa häm oyışqan cinäyätçelekkä qarşı köräşüdä yärdäm itäçäk. Quşma Ştatlar tarafdarı bulğan bu ike ildä waqıt-waqıt terror ğämälläre bulıp tora. Möşärräf Törkiägä 3 könlek säfär belän kilde. Anıñ Törkiä parlamentında çığış yasawı häm premier-ministr Räcäp Tayyıp Erdoğan belän oçraşuwı qaralğan.