Accessibility links

шимбә, 3 декабрь 2016, Казан вакыты 01:23

Tatarstanda çıqqan gäzitlärgä küzätü


Sişämbe 20nçe ğinwarda çıqqan gäzitlärenä, küptän tügel ğädätebezgä kergän, qısqaça ğına küzätü alıp baram. Watanım Tatarstan gäzitendä Böyek Watan suğışı invalidı Mixail Timkin başqalabıznıñ prezidentın Mintimer Şäymievnı tuğan köne belän qotladı. Çınnan da, Möxämmät ağa Mähdiev äsärendäge ber personajnıñ uqıtuçılar da bäräñge aşıy ikän dip bik zur “açış” yasağanı kebek, bez dä bügenge oçraqta Prezidentnıñ da tuğan köne bar ikän bit! – dibez. Härwaqıtta bezneñ turıda ğına qayğırtıp, gel il mäşäqätläre belän genä yäşärgä tieş dip künegelgän citäkçebezne iñ matur, iñ yaqtı bäyräme belän qotlaw härqaysıbıznıñ keşelek vasifasidir. Qotlaw temasına quşılıp Tatarstan yäşläre gäzite aşa Tübän Qama şähärennän 6 yäşlek Qamıl ğailäse belän, annarı Baltaç awılınnan İlşat Räximov häm Nurlat rayonı Foma awılınnan Fäxrievlar ğailäse dä Prezidentıbıznı qotlap, ixlas teläklären citkergännär. Yañadan Watanım Tatarstanğa küz salıyq Gäzitneñ öçençe bitendä “Tatarda ädäp häm irek yänäşä tora”isemle mäqälä yazılğan. Biredä ike kön däwamında barğan “Xalıqnıñ xoquqları häm säyäsi ädäplelek”dip atalğan konferensiä turında, anda qatnaşqan Rossiä PEN-üzäge citäkçeläre: Andrey Bintov, Aleksandr Tkaçenko turında yazılğan. Bu konferensiädä 2003nçe yılnıñ axırında basılğan “Tatarski put'': prava naroda i politkorrektnost''” kitabınıñ eçtälege turında fikerlär belän alışu bara. Şul uq bittä Qaytawaz rubrikasında “Ämirxan Yeniki qaysı ğasırda yäşägän, yäki Ni öçen tatar gazetaların uqımıylar” digän isem astında xatlar basılğan Anda Mendeleevsk şähärennän Läylägöl, Qazannan Räşidä Abdullova häm Orenburg ölkäse, yul''çan bistäsennän Xalidä Ömetbayıvanıñ fikerläre urın alğan. Alarnı telebez yuğalu mäs’äläse, yäşlärneñ tuğan tel, mädäniät töşençälärenä bik az iğtibar itüläre borçıy. Şähri Qazanğa küçäbez. Gäzitneñ 3nçe bitendä “Canlı sürätlärne tergezep...”isemle mäqälädä kürenekle ğalimebez İlbaris Nadirov Finlyandiädä yäşäp, küptän tügel wafat bulğan millättäşebez Tatarstannıñ atqazanğan mädäniät xezmätkäre Ğömär Tahirov, anıñ eşlären däwam itüçe ulı Oçqan Tahirov turında yaza. Ä xäzer Finlyandiä tatarları, ayıruça Ğömär Tahirov turında İlbaris äfände Nadirov yazğan mäqälädän özekne täqdim itäbez.

Audio

2002nçe yılğı xalıq sanı alu näticäläreneñ berençe mäğlümatları kürenä başlaw uñayınnan “Bez, bez, bez idek, bez fälän million idek...” dip atalğan tügäräk östäl oyıştırıldı. Anda jurnalist Rimzil'' wäliev, fälsäfä fännär doktorı Rafail Xäkimov häm tarix fännäre doktorı Damir İsxaqov saylawlarnıñ näticälärenä analiz yasadılar. Tatarstan yäşläre bu yulı şaqtıy bay häm qızıqlı çıqqan. Vladimir Putinnıñ yäşeren fiker yörtüen kürsätkän ber sitatası basılıp çıqqan: Anıñ süze “Kem ikänen äytep tormıym, min ber direktor belän söyläşkän idem. Ul böten ğömere buyı ber tarmaqta eşlägän, qaysı tarmaq ikänen äytmim” – dip betä. Tatarstan yäşläreneñ berençe bitendä sportqa küp urın birelä. Başqalarnı “Kamaz”lar qomğa kümep qaldırdı dip yazalar. Tatarstan yäşläre gazetasında Prezidentnı tuğan köne belän qotlawğa röxsät bulmağanğa kürä, Tatarstan yäşläre taw turında yaza... Tawlar biek, tawğa menäse kilä. Xalıq ara taläplärgä cawap birüçe kompleks İdel, Zaya häm Sulatsa yılğaları quşılğan urında açılğan. Küz aldığızğa kiteregez: sez narat urmanlı taw östendä basıp torasız, asta yılğalar cäyräp yata, ä qırıyda üzeneñ unikal'' ğibadätxanäläre belän Sviajsk utrawı balqıp tora... Şul tawlardan TR Prezidentı Mintimer Şäymiev, kompleksnı tantanalı töstä açqannan soñ, üzeneñ äle dä yaxşı sport formasında buluın tağın ber qat raslap, tawdan çañğıda şuıp töşte, dip yaza Tatarstan yäşläre.

Albina Zäynulla, Qazan.

XS
SM
MD
LG