Accessibility links

Кайнар хәбәр

Paçaçı BMO Ğıraqta saylaw turında barğan bäxäsne çişergä yardäm itä ala digän qaraşta


Sişämbedä Waşingtonda G.Bushnıñ ilneñ wazğiäte turındağı çığışın tıñlauçılar arasında Ğıraq İdarä Şurasınıñ çirattağı citäkçese Adnan Paçaçı da bar ide. Prezident çığışın tuqtatıp anı kongress äğzaları häm xalıqqa täğdim itte. Çärşämbedä Paçaçı AQŞ Mätbuğat Klubındağı çığışında Ğıraqtağa xällär bigräk tä könqadağında torğan saylawlar mäsäläsenä tuqtaldı .

G.Bush Kongressnıñ ike palatası aldında yasağan çığışında Adnan Paçaçını sälämläp bolay dide(audio) Ğıraqlılar ütkän här ay sayın üzläreneñ kiläçäge, iminlege öçen kübräk cawaplılıq ala .Bu kiç Ğıraqnıñ in xörmätle citäkçelärennän berse –Ğıraq İdarä Şurasınıñ älege citäkçese Adnan Paçaçını sälämläü bäxätenä ireştek.Ğıraq xalqı irekle tınıç il oyıştırğanda Amerika sezneñ yanda tora. Adnan Paçaşı çärşämbedä AQŞ mätbuğat klubında çığış yasağanda anıñ töp kündermäse mondıy buldı: BMOsı Ğıraqqa qaytırğa häm saylawlar yaqın arada ütkärelä alamı yuqmı qarar birergä tieş.Ğıraqlılar şulsanda täsirle şığı citäkçse Ayatolla Ali al Sistani üz yullarınnan barmaqçı. Paçaçı jurnalistlarğa, problemalarğa qaramastan ildä nindider canlanu sizelä, Ğıraq Saddamnıñ bärep töşerelüennän soñ işe bulmağan demokratik täcribägä kereşte.(audio) duçar bulğan barlıq qıyınlıqlarğa qaramastan,bez töbäktäge başqa illärgä ürnäk bulaçaq demokratiä tözüdä uñışlı bulaçaqbız. yaña demokratiägä niçek ireşeläçäk, bu suğıştan sonğı Ğıraqta töp mäsälä bulıp tora. Waşington 30nçe iyündä xakimiätne bilgelängän xökümätkä ğıraqlılarğa tapşırunı planlaştırğan.al Sistani citäklägän şığı küpçelege başta il külämendä saylawlar ütkärelsen dip taläp itä.AQŞ planına kürä may azağında töbäklärdä waqıtlı assambleya-meclesqä äzğalar saylanıp alınaçaq . Şul mäcles iyün azağında xakimiätkä kiläçäk xökümätne bilgeli.2005nçe yılda ğomumi saylawlar ütkärelä.Ämma sonğı könnärdä al Sistani taraftarları saylawlar taläp itep şau-şulı demonstratsiälär ütkäräbaşaldı. . Ğıraqta BMOğa möhim rol birüne kire qaqqan Waşington xäzer Dönya Oyışması ilgä mäxsus törkem cibärep, saylawlarnı 30nçe iyüngä qädär ütkärü mömkinme digän mäsälädä qarar birsen dip sorıy. BMO general sekretarı K.Annan belgeçlärdän torğan törkem cibärergä äzerlänä. Kiçä Almanyada mediä büläge tapşırlğan Annan BMO bäysez häm bitaraf bulıp qalırğa tieş dide. Paçaçı Mätbuğat klubındağı çığışında Ğıraqta här kem saylawlar ütkärelüen teli , ämma 3ay eçendä ütkäreläçäk saylaw, ğädel häm döers bulırmı digän soraw tora di.Ul BMO törkeme mömkin dip qarar birsä, anı ütkärergä tieşbez çönki basım bik köçle dip söyläde. Ämma ul (audio) BMO ğädel, däres vä ışanışlı saylawlarnı 3 ay eçendä ütkärü mömkin tügel digän näticägä kilsä , minemçä al Sistani dä moñı añlayaçaq dide . Waşingtonda tınıçlıq institu xezmätkäre Mamun Fandy süzlärençä(audio)näticä nindi genä bulmasın BMOnı qatnaştıru belän mäsälä säyäsi häm xoquqi yaqtan Sistani, körd citäkçese Jäläl Talibani , kördlär häm üzäk Ğıraqtağı sönnilär tarafınnan qabul iteläçäk. Paçaçı ägär dä şartlar saylawlar ütkärügä mömkinlek birmäsä, al Sistani riza bulaçaq alternativalar tabu mömkin. Töbäklärdä mäcleskä bilgelänäçäk şäxeslärne açıq, ütä kürenmäle, kübräk ğıraqlılar qatnaştırılğan protessta bilgeläp bula dip söyli. BMOnıñ rekonstruksiä mäsäläse belgeçe, BMOnıñ moxacirlar öçen eleke yuğarı komissarı Frederick Barton ägär dä Paçaçı äytkän kebek eşlänsä, Sistannıñ borçıluı kimer di. (audio) Minemçä Sistani AQŞ alıp barğan protsessta duslarınayardäm itü mäqastın quymıy, protses açıq vä ğädel digän nindider garantielär kürergä teli. Adnan Paçaçı BMOnı Ğıraqta tizlektä yaña missiä açırğa häm augustta bombalauda üterelgän De mello urınına yaña wäkil bilgelärgä çaqıra.

färidä xämit,praga
XS
SM
MD
LG