Accessibility links

җомга, 9 декабрь 2016, Казан вакыты 03:06

Matbuğat küzätüe


Köndälek mäğlümat çaraları Rusiä Dumasınıñ berençe utırışınnan soñ eşneñ qaya taba barğanı açıqlanğaç tağın ber märtäbä saylaw näticälärenä häm bulaçaq saylawlar temalarına äylänep qayttılar. Mintimer Şäymiev “İnterfaks“ agentlığına birgän intev'yusında ildä barğan sotsial' reformalar öçen cawaplılıqnı “Yedinaya Rossiä” üz östenä alırğa tieş digän fiker äytte. Çönki prezident äytüençä-“Bezneñ tarixta berençe tapqır Däwlät Dumasında konstitutsion küpçelek tözelgän. “Yedinaya Rossiä” wäkillärennän torğan bu küpçelek sotsial' reformalarnıñ barışı öçen böten cawaplılıqnı üz östenä alıp , üzeneñ säyäsi töple buluın raslarğa tieş dide. “Yedinaya Rossiä”neñ räistäşeneñ bu süzläre bik waqıtlı. Yaña saylanası Tatarstan parlamentınıñ küpçelegen, ber farazlarğa qarağanda 2/3 öleşen, älege firqä wäkilläre täşkil itäçäk. Ä sotsial' reformalar respublikada bik aktual'. Tatarstan Yäşläre pänceşämbe sanında baş mäqälä itep toraq-kommunal' xucalığı reformasın quyğan. “Yat ta tor, yat ta tor... kesä töbe tap-taqır“ digän mäqälädä yaña yıldan fatir cılılıq ut su tüläwläre nıq qına artuı turında yaza. Yarar,artsın da di. İl buyınça barğan bu küreneşkä Tatarstan ğına çik tä quymas, çittä dä qala almas dielä mäqälädä. “Ämma da läkin xezmät kürsätü ber genä dä üzgärmi bit. Podyezdlarda lampoçkalar yanmıy, şaqşı, sası. Çüp sawıtları ağıp, taşıp tora. Liftlarnıñ yünläp eşlägäne yuq. Çüp ütkärgeçlärdä tıçqannar yögereşä. Ä toraq-kommunal' xezmäte kürsätüçelär üzläre zarlana: remont öçen materiallar citeşmi, xezmät xaqın waqıtında birmilär. Qısqası, uñay yaqqa bernindi üzgäreş yuq, ä reforma alğa taba ırğılıpmı-ırğıla. Ä kesä töbe taqıraya dip yaza Tatarstan Yäşläreneñ yaña ber avtorı Firaya Äxmätcanova. Ä ber daimi avtorın berençe bitendä ,Tatarstan Yäşläre” täbrikli häm räxmät äytä. Yazuçı Damir Ğismetdinovqa küptän tügel respublikanıñ iñ yuğarı büläge - Maqtaw Gramotası birelgän ide. Damir Ğismetdinov ,T.Yäneñ iñ yaqın duslarınıñ berse, daimi avtorıybıyz dip yaza baş möxärrir İsmägıyl' Şäräfiev. Ul millättäşlärebez turındağı sallı sallı yazmaları, satirik xikäyäläre belän uquçılarıbızğa yaxşı tanış. İcattaş dustıbıznı çın küñeldän qotlıybız häm isänlek-iminlek telibez dip yaza T.Yä pänceşämbe sanında. Ber ike süz östärgä genä qala. Damir Ğismetdin bezneñ dä xezmättäşebez. Şuña kürä sezgä bu yullarnı uqu häm oşbu xäbärlärne ireşterü bügen ikelätä küñelle buldı.

Yunıs Ätnäle.

XS
SM
MD
LG