Accessibility links

сишәмбе, 6 декабрь 2016, Казан вакыты 15:10

Kofi Annan: dönyanıñ möhim mäsäläläre Ğiraq belän terrorğa qarşı suğış külägäsendä qala


Quşma Ştatlar Yustitsiä ministrı John Ashcroft, xalıqara cämäğätçelekne, Ğiraqta ireklek urnaştıru häm terrorğa qarşı köräşügä zurraq öleş kertergä çaqırdı. Anıñ süzlärençä, dönya cämäğätçelege Ğiraqnı tözekländerüdä İkençe dönya suğışınnan soñ Yevropağa kürsätelgän yärdämne kürsätergä tieş. Şveitsariäneñ Davos şähärendä barğan Dönya İqtisad Forumında çığış yasap, Ashcroft, suğıştan soñğı Ğiraqta awırlıqlar buluın tanısa da, suğınıñ üzenä qarata bulğan täniqtlärne kire qaqtı.

Aladaraq çığış yasağan, Berläşkän Millätlär general sekretare Kofi Annan, Ğiraq suğışı häm xalıqara iminlek çaraları arqasında, dönyadağı xäyerçelek, sälämätlek, mäğärif kebek möhim mäsälälär külägädä qaldı, dip beldergän ide. Annan süzlärençä, terrorçılıq üze dä, aña qarşı köräş tä, din- häm millät-ara qarşılıqlarnı köçäytep cibärä ala:

Audio (Kofi Annan)

"Xalıqara terrorçılıq tınıçlıqqa yanap qına qalmıy, dini, mädäni, milli qarşılıqlarnı kiskenläşterä. Ä terrorğa qarşı köräş qayçaq bu qarşılıqlarnı tağı da köçäytä."

Şuşı yılnıñ Yün ayında Annan, AİDStan alıp korrupsiägä qädär küp törle möhim mäsälälärne tikşerü öçen dönya sammitı cıyaçağın belderde.

XS
SM
MD
LG