Accessibility links

Кайнар хәбәр

Yukos: Samarda Rafail Zäynullin qulğa alınğan


Rusiä räsmiläre Yukos kompaniäse belän bäyle şirkätlärgä basımın arttıra bara. Samarda Kuybışev Nefteşkärtü Zavodınıñ direktorlar şurası räise Rafail Zäynullin qulğa alınğan. Ul salım tülämäwdä ğäyeplänä. Yukos kompaniäse bu ğäyepläwne nigezsez dip sanıy häm şikäyät belderergä cıyına. Yukosnıñ 3 yuğarı citäkçese, Mixail Xodorkovski, Leonid Nevzlin häm Vladimir Dubovqa şul uq ğäyepläwlär belderelgän ide. Üktäber ayında qulğa alınğan Xodorkovski xäzer Mäskäw törmäsendä utıra. Nevzlin belän Dubov çit ilgä çığıp kitte. İnterpolnıñ Rusiä wäkile äytüenä qarağanda, alar xalıqara ezläw isemlegenä kertelgän. Tänqitçelär Yukosqa qarşı açılğan eşne säyäsät belän bäyli, opozitsiädäge liberal partiälärgä yärdäm itkän öçen Xodorkovskinı cazalaw çarası dip atıy.
XS
SM
MD
LG