Accessibility links

пәнҗешәмбе, 8 декабрь 2016, Казан вакыты 08:58

Putinnı 85% başqortostanlı yaqlarmı?


23 ğınwar könne Ufada Räsäy prezidentın saylawlar aldınnan älege ilbaşı Vladimir Putinnı yaqlaw buyınça saylaw aldı ştabınıñ repusblika cämäğät qabul itü bülmäläre eşli başladı. Başqalanıñ Neftçelär mädäniät sarayındağı ul bülmälärgä täwge könne möräcäğät itüçelär bulmağan. Küräseñ, saylaw aldı ştabınıñ eşli başlawı xaqında xalıq bik belmider dä. Şunısın äytergä kiräk, Mortaza Räximovnıñ saylaw aldı ştabı da şuşı uq binada eşlägän ide. Başqortstan prezidentın saylawlarda Rusiä prezidentı Putin Räximov äfändene yaqlağan ide, xäzer Başqortstan türäläre, räxmät yözennän, anıñ üzenä dä nıqlı teräk bulırğa, yözlärenä qızıllıq kitermäskä tırışaçaq. Sin – miña, min – siña, digän prinsip alğa çığa xäzer. Ğomumän, bu saylawlarda Başqortstan citäkçeläre üz qullarındağı bar xakímít mömkinleklären Putin faydasına eşkä cigäçäk. Monı «Berdäm Rusiä» partísınıñ 22 ğínwar könne Ufada ütkän saylaw aldı konferensísındağı çığışlardan da añlarğa mömkin ide. Anda bu partínıñ Başqortstan buyınça säyäsi sowetı räise Mansur Äyüpov respublikta Vladimir Putinnıñ zur küpçelek tawış cíaçağın belderde. Tawışlar digännän, qayber säyäsät belgeçläre äledän ük farazlawınça, 14 marttağı saylawlarda Vladimir Putin öçen Başqortstan saylawçılarınıñ 85 prosentı tawış birergä mömkin. Xäyer, qayber bäysez polítoloğlar kinayaläp äytüençä, Başqortstandağı xakímít mömkinlekläre belän Putin 99 prosent tawış císa da aptırarğa tügel.

XS
SM
MD
LG