23 ğınwar könne Ufada Bötendönya başqort qorıltayı Başqarma komitetınıñ çirattağı kiñäytelgän utırışı bulıp ütte. Anda Başqortstanda dekäber ayında bulıp ütkän Rusiä Däwlät dumasına saylawlar häm respublika prezidentın saylawlar yomğaqları buyınça fiker alışular buldı. Ämma utırışnıñ kön tärtibenä kertelgän iñ qızıqlı mäsälälärneñ berse – Başqortstanda tellär statusı turındağı mäsälä ide.
Bu temğa üz fikerlären añlatıp Başqortstan Fännär akademísınıñ Tarix, tel häm ädäbiät institutı citäkçese İldus İlişev çığış yasadı. Çığışınıñ küp öleşen republikada tatar telenä status birü mäsäläsenä bağışlağan İlişev äfände, tarix töpkellärenä töşep kitep, Başqortstanda tatar telenä bügenge köndä däwlät tele statusı yäki räsmi status birü döres tügel, digän täğlimaten isbatlarğa tırıştı. Härxäldä, Bötendönya başqort qorıltayı häm kiñ bilgele başqort ğälimnäre moña kisken qarşı, dip belderde İlişev äfände.
Şulay itep, Başqortstan xakimiatları törle başqort milli oyışmalarına häm ayırım ğälimnärgä arqalanıp, tatar telenä status birü mäsäläsen kön tärtibennän alıp taşlarğa cíına kebek. Şuşı mäsälädä fikeren sorap, bez Başqortstan tatar kongressı Başqarma qömitetı räise urınbasarı, kürenekle ğälim, professor Radik Sibäğätovqa möräcäğät ittek. Radik ağanıñ süze qısqa buldı. Sitata: Küräseñ, Başqortstan xakimiatları dekäberdä republík prezidentın saylawlar aldınnan birgän wäğdäsennän kire çigenäder, – di Radik Sibäğätov. – İldus İlişev şulay çığış yasıy ikän, dimäk bu anıñ üzeneñ şäxsi fikere genä tügel. Anıñ kebek zur wazifa bilägän keşe östägelärneñ dä fikeren yañğırata inde ul. Şulay bulğaç, republíknıñ iñ yuğarı dairälärendä dä tatar telenä status birü mäsäläsen tämam onıtırğa uylağannar. Ämma bu bik xäwefle xäl häm älege borılış republikada kiläçäktä millätara mönäsäbätlärne ber dä yaxşılıqqa iltmäyäçäk. Başqortstandağı tatar xalqınıñ ömetläre aqlanmıy inde bu oçraqta. Bu mäsälädä xakimiatlardan aldanğan tatar xalqı aña başqa mäsälälärdä dä ışanıçın yuğaltaçaq.
Äye, tatar xalqı bu yulı da aldandı bulıp çığa. Milli basımnarğa öyrängän tatar xalqı öçen çirattağı ber sabaq bu. Däwlät citäkçeläre däräcäsendä mısqıl itelüle açı sabaq.
Bu temğa üz fikerlären añlatıp Başqortstan Fännär akademísınıñ Tarix, tel häm ädäbiät institutı citäkçese İldus İlişev çığış yasadı. Çığışınıñ küp öleşen republikada tatar telenä status birü mäsäläsenä bağışlağan İlişev äfände, tarix töpkellärenä töşep kitep, Başqortstanda tatar telenä bügenge köndä däwlät tele statusı yäki räsmi status birü döres tügel, digän täğlimaten isbatlarğa tırıştı. Härxäldä, Bötendönya başqort qorıltayı häm kiñ bilgele başqort ğälimnäre moña kisken qarşı, dip belderde İlişev äfände.
Şulay itep, Başqortstan xakimiatları törle başqort milli oyışmalarına häm ayırım ğälimnärgä arqalanıp, tatar telenä status birü mäsäläsen kön tärtibennän alıp taşlarğa cíına kebek. Şuşı mäsälädä fikeren sorap, bez Başqortstan tatar kongressı Başqarma qömitetı räise urınbasarı, kürenekle ğälim, professor Radik Sibäğätovqa möräcäğät ittek. Radik ağanıñ süze qısqa buldı. Sitata: Küräseñ, Başqortstan xakimiatları dekäberdä republík prezidentın saylawlar aldınnan birgän wäğdäsennän kire çigenäder, – di Radik Sibäğätov. – İldus İlişev şulay çığış yasıy ikän, dimäk bu anıñ üzeneñ şäxsi fikere genä tügel. Anıñ kebek zur wazifa bilägän keşe östägelärneñ dä fikeren yañğırata inde ul. Şulay bulğaç, republíknıñ iñ yuğarı dairälärendä dä tatar telenä status birü mäsäläsen tämam onıtırğa uylağannar. Ämma bu bik xäwefle xäl häm älege borılış republikada kiläçäktä millätara mönäsäbätlärne ber dä yaxşılıqqa iltmäyäçäk. Başqortstandağı tatar xalqınıñ ömetläre aqlanmıy inde bu oçraqta. Bu mäsälädä xakimiatlardan aldanğan tatar xalqı aña başqa mäsälälärdä dä ışanıçın yuğaltaçaq.
Äye, tatar xalqı bu yulı da aldandı bulıp çığa. Milli basımnarğa öyrängän tatar xalqı öçen çirattağı ber sabaq bu. Däwlät citäkçeläre däräcäsendä mısqıl itelüle açı sabaq.
