Accessibility links

шимбә, 10 декабрь 2016, Казан вакыты 08:09

Dönya Ekonomik Forumında AQŞ vitse prezidentı nersälär söyläde?


Şvitsariäneñ Davos kurortında dönya ekonomik forumında AQŞ vitse prezidentı Dick Cheneyneñ çığışı .

Dick Cheney Dönya Ekonomik Forumında cıyılğan citäkçelärgä global terrorğa qarşı suğışunıñ in yaxşı yulı AQŞ qa quşılıp yaqın könçığışta demokratiä urnaştıruğa yardäm itü dip äytte (audio) İreklek häm demokratiäneñ cäyelüen qıyulandıru döres eş. häm ul bezneñ kümäk mänfäğätebezgä turı kilä.Yaqın könçğışta ireklek defitsitın cinügä yardäm itü sonğı çiktä terrorğa qarşı suğışta ciñü öçen açqıç bulıp tora. Vitse prezident Cheney sivilizatliäle keşelär terror qurqınıçı vä küpläp üterü qorallarınıñ cäyelüen tuqtatuğa qarşı köräşte qullarınnan kilgänne eşlärgä tieş dip äytte. Anıñ süzlärençä xökümätlär, xalıqara oyışmalar arasındağı xezmättäşlek bügen ütkängä qarağanda da ähämiätleräk , ämma ul (audio) diplomatiäneñ uñışsız bulğan cirdä bez cawaplılıq alırğa äzer bulırğa häm kiräk bulsa köç qullanırğa tieşbez. Turıdan turı qurqınıçqa qararlı räweştä cavap birelergä tieş. Vitse prezident Cheney yaqın könçığışta sonğı waqıtlarda reforma ölkäsendä atlanğan adımnarğa tuqtalıp, Morokko patşası xatın qız xoquqların kübräk yaqlarğa çaqırdı, Yordaniädä mätbuğat östennän däwlät kontrole yomşardı,Bahrain xatın qızlarğa berençe märtäbä räsmi urınnarda eşläw röxsäte birde dip söyläde. Ul Ğıraq häm Öfganstan demokratik progressta in alda tora dip belderde. Cheneyneñ yaqın könçığışta demokratik reformalarğa çaqıruı Amerikanıñ Ğıraqta xakimiätne ğıraqlılarğa tapşıruda BMOdan yardäm sorağan waqıtqa turı kilde.Cheney (audio) Bez Ğıraq idarä şurasınıñ demokratiägä küçkändä ğıraqlılarnı yaqlaw çaqırularına barlıq demokratik illär, häm BMOnıñ cawap birüen sorıyıbz. Bez barlıq illärne Ğıraq burıçlarınıñ zur öleşen sızıp taşlarğa çaqırabız. Cheney, İran citäkçelären töbäktäge başqa illärdän ürnäk alırğa ,xalıqnıñ taläplärenä qolaq salırğa çaqırdı .Vitse prezident Dick Cheneyneñ törle mäsälälärgä qağılğan çığışı Ğıraq suğışı säbäple kirenkelängän trans-Atlantik mönäsäbätlären rätkä salu teläge dip bäyälände.

färidä xämit,praga
XS
SM
MD
LG