Accessibility links

шимбә, 3 декабрь 2016, Казан вакыты 07:39

Gruziädä prezident inaguratsiäse !


Gruziädä Göl inqilabınıñ citäkçese Mixael Saakaşvili ant itep prezident wazıyfasına başladı.

3 ay elek yaqlawçıları häm qızıl göllär belän Gruziä parlamentına bärep kergän Mixael Saakaşvili şuluq binanıñ basqıçlarında qulında konstitutsiä barlıq görcelärgä iminlek ,xörmät wäğdä itep ant itte.. Ul ant itü merasımında yasağan çığışında (audio) Bu urında Gruziäneñ barlıq qähärmännäre Gruziäneñ bäysezlege,ireklege öçen ülde. Alar bolşeviklarnıñ Gruziägä basıp kerüen tuqtatu öçen här närsäne eşläde. Ant itüdän soñ görcelärneñ borınğı älämen Gruziäneñ yaña bayrağı itep qabul itkän aktqa qul quydı. AQŞta uqığan , 36 yäşlek xoquqçı, dönyada saylanğan in yäş citäkçelärdän berse .. ul ike keşedän berse xäyerçelektä yäşägän ,tormışnıñ här tarmağına rişwätçelek ütep kergän häm parçalanırğa torğan ber ilneñ citäkçese buldı. , kafkaznıñ keçkenä şul ile AQŞ, Rusiä mänfäğätläreneñ çatında tora. Amerika strategik neft ütkärgece belän mäşğül bulsa , Rusiä iminlek säbäplärennän dip elekege sovet sferasındağı ike xärbi bazanı yabunı kiçekterep kilä.İnaguratsiägä çaqırılğan qunaqlar arasında AQŞ däwlät sekretarı C.Powell häm Russiä tışqı eşlär minsitırı İgor İvanov ta bar ide. Powell Gruziä Rusiäneñ çigenüen sorağanda sabırlı bulırğa tieş dip äytsä dä, ul Waşington Mäskäwgä çigenü yöklämälären xäterlätäçäk dip äytte. Mäskäw qalğan ike bazanı yabu öçen 10yıl waqıt kiräk dip belderep kilä. Saakşvili kiçä bolay dip äytkän ide(audio) bez bik qatmarlı geopolitik möhittä yäşäp qalırğa tieşbez.bez bu ilne super däwlätlärneñ suğış mäydanına äyländerergä telämibez.Min bu illärne bigräk tä kürşebezne çitläştermäw öçen quldan kilgänne eşliäçäkmem Bez Rusiä belän yaxşı mönäsbätlär telibez , min Amerika yaqlı da Rusiä yaqlı da tügel . Min Gruziä öçen ! Powel AQŞ görce xärbiläre öçen oyıştırğan künegü programmasın may ayında tämamlağannan soñ ,monda üz xärbi bazasın urnaştırırğa cıyınmıy dip belderde press konferensiädä. Saakşvili Tbilisidä ütkän inaguratsiädän elek Qara dinegezdäge ike portta häm borınğı çirkäwdä bulıp Gruziädä berdämlekne torığzırğa wäğdä itte.

färidä xämit,praga
XS
SM
MD
LG