Accessibility links

җомга, 9 декабрь 2016, Казан вакыты 01:01

AQŞ Dävlät sekretarı Powellneñ Mäskävdä vizitı vaqıtında tikşerelgän temalar.


AQŞ Dävlät Sekretarı Colin Powell Russiä citäkçeläre belän söyläşülär öçen Mäskävgä kilde. Russiä prezidentı Putin ike il arasındağı mönäsäbätlär nığıdı häm bäxäslärne dialog aşa xäl qılıp bula dip belderde. Powell da ike il arasındağı mönäsäbätlär nıq bulsa da, Rusisädä demokratiäneñ torışına, Mäskävneñ Gruziä häm Moldovada xärbi yaqtan toruına AQŞnıñ borçıluın bäyan itte.

AQŞ dävlät sekretarı Colin Powell bügen Mäskävdä tışqı eşlär ministere İgor İvanov belän söyläşkännän soñ, prezident Putin belän oçraştı. Putin Mäskäv belän Washngton arasındağı mönäsäbätlär nıq häm küpkenä älkälärdä xezmätätşlek itelä dip belderde

Audio

Putin ber ük vaqıtta BMOsı Ğıraqqa kire qaytırğa yäğni anda aktiv rol uynarğa tieş dip belderde häm Russiä Ğıraqnıñ yaña xakimiätlärenä politik häm moralyaqlau birä dip äytte.

Audio

Dävlät sekretarı Powell , AQŞ prezidentı Buş Russiä belän mönäsäbätlärneñ täräqqiätenä qänäğät dip belderde. Anıñ süzlärençä fiker ayırmalıqları bulğan ölkälärdä dä xäzerge mönäsäbätlär ul turıda açıq häm eçkersez söyläşülärgä mömkinlek birä ikän. Bolar cämağätçelek aldnda äytelgän näzakätle süzlär. Ämma, läkin, yabıq işeklär artındağı söyläşülär andıy diplomatik bulmağandır dip äytergä bula. Monı Powellneñ bügen İzvestiädä basılıp çıqqan maqäläse dä işarä itä. Anda dikäber ayında Dumağa bulğan saylaularda liberal partiälärneñ parlamentqa kerä almaularına häm Xodkorkovskiynıñ qulğa alınuına, iseme belän äyelmäsä dä, AQŞnıñ borçıluı belderlgän. Powelleneñ yazuınça, Russiäneñ demokratik sistemasında başqarma, qanunçığaru häm justitsiä arasında balans buldırıla almadğan. Sivil cämğiätneñ töp aspektları İrekle mätbuğat, politik partiälärneñ täräqqiäte äle bäysez tügel. Powell şulay uq Russineñ Çeçnägä häm kürşelärenä qarata säyäsäteneñ qayber aspektları bezne borçıy dip tä yazğan. Mäskävdäge Carnegie Üzäge başlığı Andrey Kuçinsnıñ radiobız xäbärçesenä belderüenä qarağanda, AQŞ belän Rusisä arasındağı mönäsäbätlärneñ uzğan yıl azaqlarında kiskenäşä töşüendä Çeçnä häm Duma saylauları rol uynağan. AQŞnı Russiäneñ elekke sovet respublikaları Görcstan häm Moldovağa qarata alıp barğan säyäsäte borçıy. Powell Tbilisidä çaqta yasağan çığışında Mäskävdä, Rusisäneñ Gruziädäge xärbi bazaların yabuğa qarata 1999-nçı yılda İstanbulda ireşelgän kileşüne ütäve mäsäläsen kütärep çığaçağın äytkän ide. Mäskäv Gruziädä qalğan ike bazanı yabu häm Moldovadan döreseräge Dnestrartı respublikasınnan qoral häm xärbilären çığarunı suzai. Powell bügen bu xaqta täfsille söylämäde, tik tışqı eşlär ministere İvanov belän söyläşülärgä Gruziä häm Moldova mäsäläsendä yaxşı diskussiä buldı dip kenä äytte. Diplomatik teldä bu , tikşerelgän mäsälädä telgä alırlıq alğa kiteş bulmadı digän mäğnäne añlata. Bu vizit amerikan-rus mönäsäbätlärendä nindi dä bulsa üzgäreşkä säbäp bulmas. Buş ta , Putin dä bu yılda yanañadan saylanu öçen tırışalar. Dimäk alar nindi dä bulsa möhim adımnar atlaudan totlıp toraçaqlar.

Färit İdelle. Praga.
XS
SM
MD
LG