Accessibility links

Кайнар хәбәр

İran xökümäte saylaw oyıştırudan baş tarta ala


İranda saylawdan çitlätelgän namzätlär tiräsendä cancal däwam itä. Bügen xökümät wäkile Abdulla Ramazanzade xökümät tawış birülärne oyıştırudan baş tarta ala, dip belderde. Anıñ süzlärençä, xökümät, ğädel bulmağan saylawlarnı oyıştıra almıy. İnde xäbär itkänebezçä, İrannıñ Saqçılar Şurası 8 meñnän artıq namzätneñ yartısın saylaw isemlegennän sızıp taşlağan ide. Alarnıñ kübese reforma taraflı näzmätlär. Reforma yaqlı deputatlar şuşı qararnı üzgärtü maqsatı belän yaña qanun ölgese äzerläde. Ämmä 12 qadimçedän torğan Saqçılar Şurası bu ölgene kire qaqtı. Reforma taraflı deputat Räcäp-Ali Mazrui, ägär Saqçılar Şurası qararın üzgärtmäsä, ildä totrıqsızlıq başlanırğa mömkin, diä kisätte. Irannıñ İminlek Komitetı başlığı Möhsän Mirdamadi küp kenä deputatlar protest yözennän urınınnan kitergä cıyına dide. Prezident Mäxämmät Xattami qadimçelär qararına şulay uq tänqit belderde, häm dä bu qarar üzgärteler digän ömeten äytte. İranda parlament saylawları 20 Fivraldä ütergä tieş.
XS
SM
MD
LG