Äfğanstan prezidentı Xämid Karzai bügen ilneñ yaña konstitutsiäsen imzaladı. Şulay itep, Loya Cirğa tarafınnan qabul itelgän dokument bügennän başlap ğämälgä kerde. 162 matdädän torğan konstitutsiädä Äfğanstan – demokratik islam däwläte dip iğlan itelä. Anıñ prezidentı, 2 palatalı parlamentı, bäysez Yustitsiäse bulaçaq. İrlär häm xatın-qızlar tigez xoquqlarğa iä, dielgän. Karzai süzlärençä, bu konstitutsiä, 25 yıl suğış utında qaynağan Äfğanstanğa ayaqqa basu öçen şans bulıp tora.