Accessibility links

якшәмбе, 11 декабрь 2016, Казан вакыты 09:17

"Qoş gripı" Qıtayğa barıp citte


Aziä illärendä taralğan "qoş gripı" dip atalğan awıru Qıtayğa barıp citte. Sinxua agentlığı belderüençä, Qıtaynıñ könyağında, Guansi töbägendä bu çirdän ürdäklär ülä başlağan. Belgeçlär äytüençä, awıru qoşlardan keşegä küçä ala. Keşedän keşegä küçü oçrağı älegä terkälmägän. Qıtay "qoş gripı" terkälgän 10-nçı il buldı. Moña qädär ul Combodia, İndoneziä, Yaponiä, Laos, Könyaq Korea, Taiwan, Tailand, Vietnamda tabılğan ide. Bu çirdän inde 8 keşe ülde. Dönya Sälämätlek Oyışması "qoş gripı" SARS dip atalğan awırudan yamanraq bula ala digän kisätü yasadı. Uzğan yıl SARStan 800-läp keşe ülgän ide.

XS
SM
MD
LG