Xalıqara suğış cinäyätläre Tribunalı Xorvatia serblarınıñ elekke citäkçese Milan Babiçnı keşeçelekkä qarşı cinäyätlär qıluda ğäyeple dip taptı. 1991 yılda serblar Xorvatiäneñ Krajna töbägen üz respublikası dip iğlan itkändä, Babiç töbäkneñ citäkçese bulğan. Ul çaqta anda 80 meñläp xorvat belän möselman bulğan. Ber yıl eçendä serb bulmağan xalıqlar köç belän sörelep, yä üterelep beterelgän. Babiçqa 11 yıl törmä yanıy. Axır xökem april ayında çığarılaçaq.
