Accessibility links

шимбә, 3 декабрь 2016, Казан вакыты 05:30

Bötendönya tatar kongressında Törkiä konsulı belän oçraştılar


27nçe ğinwarda Tatarstan parlamentı citäkçese Färit Möxämmätşin Törkiä respublikasınıñ Qazandağı general konsulı İsmäğil Xaqqı Musa belän oçraştı. Älege oçraşu bu wazifağa küptän tügel genä, yäğni 2004nçe yılnıñ 8nçe ğinwarında bilgelängän yaña konsul belän yaqınraq tanışu niätennän oyıştırılğan. Anda süz Tatarstan belän Törkiä arasındağı xezmättäşlekne üsterü, Qazannıñ meñyıllığına äzerlek, yaña saylanaçaq respublika Däwlät Şurasınıñ tözeleşe häm başqalar xaqında süz bardı. Oçraşunıñ axırında Färit Möxämmätşin İsmäğil Xaqqı Musanı Aq Bars xokkey komandasınıñ çirattağı uyınına çaqırdı, dip xäbär itä Tatar-inform agentlığı. Ä çärşämbe könne Törkiä konsulı belän Bötendönya tatar kongressında oçraştılar. Oçraşuda kongressnıñ räise Rinat Zakirov häm anıñ urınbasarları qatnaştı. Alar Törkiä belän Tatarstan arasındağı xezmättäşlek xaqında, ike aradağı elemtälärne arttıru turında söyläştelär. Süz Qazannıñ meñyıllığın bäyräm itü turında da bardı. İsmäğil Xaqqı Musa isä ike aradağı xezmättäşlekne nindider bäyrämnärgä bağışlap qına tügel, ä daimi alıp barırğa çaqırdı. Häm Törkiä tarafınnan Tatarstan yäşläre öçen oyıştırıla torğan mäğärif ölkäsendäge programmalar turında söyläde. Konsul süzlärenä qarağanda, älege stipendiälärneñ qayber öleşe qullanılmıyça qala ikän. Monı Tatar kongressı citäkçelege wäkilläre mäğlümat citmäw belän añlattılar. Häm kiläçäktä bu ölkädä bergä eşlärgä kiräk digän näticägä kildelär.

XS
SM
MD
LG