Accessibility links

сишәмбе, 6 декабрь 2016, Казан вакыты 03:53

Hac qılır öçen Mäkkägä 2 millionnan artıq möselman cıyıldı


İrtägä Hac ğamälen başlar öçen bügen izge Mäkkä şähärendä 2 millionnan artıq möselman cıyıldı. Söğed Ğaräpstan räsmiläre, 9 meñgä yaqın keşe iminlekne saqlawğa cälep itelgän, dip xäbär itä. Uzğan yıl başqala Riyadh'da 50dän artıq keşeneñ ğömeren özgän intixar höcümnärennän soñ bıyıl iminlek tağın da köçäytelde. Hac izge Qağbä taşın äylänüdän başlana, şimbä könenä hacilar Mäkkädän 20 çaqrım yıraqlıqta bulğan Ğäräfä tawına citäçäk. Hac qılır öçen Söğed Ğaräpstanğa yul totqan 3 meñgä yaqın taciqlarnı tranzit viza almawları säbäple Berläşkän Ğaräp Ämirleklärendä totqarlağan bulğannar. Sharja şähäre hawa mäydanında berniçä säğatkä totqarlanğan möselmannarğa yulnı däwam itergä Qızıl Xac Cämğiäteneñ cirle bülekçäse yardäm itkän, dip xäbär itelä.

XS
SM
MD
LG