Accessibility links

пәнҗешәмбе, 8 декабрь 2016, Казан вакыты 10:55

İrannıñ Eçke Eşlär ministrlığı parlament saylawların kiçekterüne sorap Saqçılar Şurasına möräcäğät itte


Kiläse ayğa İranda bilgelängän parlament saylawların kiçekterüne sorap İran eçke eşlär ministrlığı möräcäğät itte. Saqçılar Şurasına cibärelgän älege xatta ministr Abdolvahed Mussavi-Lari, 20nçe fevral könne ütärgä tieşle tawış birüne – kiräkle şartlar tudırılğançı kiçekterep torırğa kiräk, digän. İran prezidentı qarşındağı konstitutsiäne ğamälgä aşıru komitetı äğzase ayatolla Haşem Haşemzade Herisi, Tähranda Farda radiosına birgän äñgämäsendä, çirattağı yaña 7nçe parlament ağımdağı yılnıñ may ayına qadär cıyılırğa tieş, dip belderde: "Eçke Eşlär Ministrlığı häm Saqçılar Şurası kileşä alsa, saylawlarnı ber ay, 20 yäki 10 köngä kiçekterep bulır ide. Şulay uq tawış birüneñ kiçekterelmäw ixtimalı da bar. Ämma 7nçe parlament 2004nçe yılnıñ may axırına qadär äzer bulırğa tieş" dide Prezident komitetı wäkile. Saqçılar Şurasınnan möräcäğätkä cawap älegä yuq. İranda parlament saylawları tiräsendäge kierenkelek – Saqçılar Şurasınıñ meñlägän namzätne tawış birügä qatnaştırmaw turındağı qarar qabul itüennän birle däwam itä.

XS
SM
MD
LG